മദ്യപിച്ച് ലക്കുകെട്ട് പ്രണയിച്ച് വിവാഹം കഴിച്ച യുവതിയെ വിവസ്ത്രയാക്കി ക്രൂര മര്‍ദ്ദനത്തിനിരയാക്കി. സംഭവത്തില്‍ ഭര്‍ത്താവ് തിമ്മപ്പയ്ക്കും ബന്ധുക്കള്‍ക്കുമെതിരെ പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. ചിക്കമഗളൂരുവിലെ നന്ദിഹൊസള്ളിയിലാണ് ദാരുണസംഭവം ഉണ്ടായത്. സ്ത്രീധനത്തിന്റെ പേരില്‍ ആണ് യുവതിയെ മര്‍ദിച്ച് അവശയാക്കിയത്. വിവാഹമോചനം ആവശ്യപ്പെട്ടതായും യുവതി പറയുന്നു.

ഇവര്‍ക്ക് രണ്ട് പെണ്‍മക്കളാണുള്ളത്. സ്ത്രീധനത്തിന്റെ പേരിലുള്ള അടി തുടങ്ങിയിട്ട് വര്‍ഷങ്ങളായെന്നും, ഇതുവരെ നാണക്കേട് ഭയന്ന് ആരോടും ഒന്നും പറഞ്ഞിട്ടില്ലെന്നും ഭാര്യ പൊലീനോട് പറഞ്ഞു. അച്ഛനും സഹോദരനും ചേര്‍ന്ന് തിമ്മപ്പയെ മറ്റൊരു വിവാഹം കഴിക്കാന്‍ നിര്‍ബന്ധിച്ചിരുന്നു.

സംഭവദിവസം മദ്യപിച്ച് ലക്കുകെട്ട് വീട്ടിലെത്തിയ തിമ്മപ്പ സ്ത്രീധനം എവിടെ എന്ന് ആക്രോശിച്ച് ഭാര്യയെ വിവസ്ത്രയാക്കി മര്‍ദിക്കുകയായിരുന്നു. മര്‍ദനത്തിന് ശേഷം വീട്ടില്‍ പൂട്ടിയിടാനും ശ്രമിച്ചു. ഇതിനിടെ കയ്യില്‍ക്കിട്ടിയ വസ്ത്രവും വാരിചുറ്റി ഭാര്യ വീടിന്റെ പിന്‍ഭാഗത്ത് കൂടി ഓടി രക്ഷപ്പെടുകയായിരുന്നു. ദീര്‍ഘകാലത്തെ പ്രണയത്തിനുശേഷം പത്തുവര്‍ഷം മുമ്പായിരുന്നു ഇവരുടെ വിവാഹം. പ്രണയ വിവാഹമായതിനാലും സ്ത്രീധനം കിട്ടാത്തതിനാലും അച്ഛനടക്കമുള്ള ബന്ധുക്കള്‍ തിമ്മപ്പയെ ഇടക്കിടെ കുറ്റപ്പെടുത്തുകയും ഭാര്യയെ മര്‍ദിക്കാന്‍ ആവശ്യപ്പെടുകയും ചെയ്തിരുന്നുവെന്ന് പൊലീസ് പറയുന്നു.