കളിച്ചുകൊണ്ടിരുന്ന ആറുവയസ്സുകാരിയെ കൂട്ടബലാത്സംഗത്തിനിരയാക്കി കെട്ടിടത്തിന് മുകളില് നിന്ന് താഴേക്ക് വലിച്ചെറിഞ്ഞു കൊലപ്പെടുത്തി
വീടിന്റെ ടെറസില് കളിച്ചുകൊണ്ടിരുന്ന ആറുവയസുകാരിയെ കൂട്ട ബലാത്സംഗം ചെയ്ത് കൊലപ്പെടുത്തി. ഉത്തര്പ്രദേശിലെ ബുലന്ദ്ഷഹര് ജില്ലയിലാണ് സംഭവം. സംഭവത്തില് രാജു, വീരു എന്നിവരെ പോലീസ് അറസ്റ്റ് ചെയ്തു.സിക്കന്ദറബാദ് ഇന്ഡസ്ട്രിയല് ഏരിയയിലുള്ള ഒരു ഗ്രാമത്തില് വാടക വീട്ടില് താമസിച്ചുവരികയായിരുന്നു പെണ്കുട്ടിയുടെ കുടുംബം. ഇതേ കെട്ടിടത്തില് തന്നെയാണ് പ്രതികളും താമസിക്കുന്നത്.
ആറു വയസ്സുള്ള കുട്ടി കളിക്കാനായി വീടിന്റെ ടെറസില് കയറിയതായിരുന്നു. അപ്പോഴാണ് പ്രതികളായ രാജുവും വീരുവും അവിടെ എത്തിയത്. ഇവര് കുട്ടിയെ ക്രൂരമായി കൂട്ടബലാത്സംഗം ചെയ്യുകയും പിന്നീട് ടെറസിന്റെ മുകളില് നിന്ന് എടുത്ത് എറിയുകയായിരുന്നു.
ഉടന് തന്നെ കുട്ടിയെ ആശുപത്രിയില് എത്തിച്ചേക്കിലും ജീവന് രക്ഷിക്കാനായില്ല. രണ്ട് യുവാക്കള് ചേര്ന്ന് കുട്ടിയെ ബലാത്സംഗം ചെയ്തതിനു ശേഷം മേല്ക്കൂരയില് നിന്ന് വലിച്ചെറിഞ്ഞതാണെന്ന് കുട്ടിയുടെ പിതാവ് പോലീസില് പരാതി നല്കി.
സംഭവം നടന്ന ശേഷം ഇരുവരും ഒളിവിലായിരുന്നു. പിതാവിന്റെ പരാതിയില് കേസ് എടുത്ത് പോലീസ് നടത്തിയ അന്വേഷണത്തില് കന്വാരയില് ഇവര് ഒളിച്ചിരുന്ന സ്ഥലം കണ്ടെത്തി. പോലീസ് സ്ഥലത്തെത്തിയപ്പോള് ഇവര് രക്ഷപെടാനായി ശ്രമിച്ചു. തുടര്ന്ന് യുവാക്കളെ പോലീസ് കാലില് വെടി വെച്ചാണ് പിടികൂടിയത്. ചോദ്യം ചെയ്യലില് പ്രതികള് കുറ്റം സമ്മതിച്ചതായാണ് റിപ്പോര്ട്ടുകള്. സംഭവത്തില് വിശദമായ അന്വേഷണം നടക്കുകയാണെന്ന് പൊലീസ് അറിയിച്ചു.
https://www.facebook.com/Malayalivartha
