13കാരിയെ പ്രായപൂര്ത്തിയാകാത്ത മൂന്ന് പേര് ചേര്ന്ന് കൂട്ടമാനഭംഗത്തിനിരയാക്കി
കര്ണാടകയില് 13കാരിയെ പ്രായപൂര്ത്തിയാകാത്ത മൂന്ന് ആണ്കുട്ടികള് കൂട്ടമാനഭംഗത്തിനിരയാക്കി ഭീഷണിപ്പെടുത്തിയതായി പരാതി. ധാര്വാഡ് ജില്ലയിലെ ഹുബ്ബള്ളിയിലാണ് സംഭവം. വീട്ടില് മാതാപിതാക്കള് ഇല്ലാതിരുന്ന സമയം ഇവിടെയെത്തിയ ആണ്കുട്ടികള് പെണ്കുട്ടിയെ പിടിച്ചുകൊണ്ടുപോയി ഒറ്റപ്പെട്ട സ്ഥലത്തെത്തിച്ച് മാനഭംഗപ്പെടുത്തുകയായിരുന്നു. സംഭവത്തില് 14-15 വയസുകാരായ മൂന്നു ആണ്കുട്ടികളെ കസ്റ്റഡിയില് എടുത്തതായി ഹുബ്ബളിളി ധാര്വാഡ് പൊലീസ് കമ്മിഷണര് എന്. ശശികുമാര് അറിയിച്ചു
പ്രതികളില് രണ്ടുപേര് ഹൈസ്കൂള് വിദ്യാര്ത്ഥികളാണെന്നും മൂന്നാമന് സ്കൂള് പഠനം ഉപേക്ഷിച്ചയാളാണെന്നും പൊലീസ് പറഞ്ഞു. മാനഭംഗപ്പെടുത്തുന്നതിന്റെ വീഡിയോ കൈവശമുണ്ടെന്ന് പറഞ്ഞ് പെണ്കുട്ടിയെ പ്രതികള് ഭീഷണിപ്പെടുത്തിയതായും മാതാപിതാക്കള് നല്കിയ പരാതിയില് പറയുന്നു. ഇതിന്റെയടിസ്ഥാനത്തില് ഇവരുടെ മൊബൈല് ഫോണുകളും കസ്റ്റഡിയിലെടുത്തതതായും അന്വേഷണം പുരോഗമിക്കുകയാണെന്നും ഉദ്യോഗസ്ഥന് കൂട്ടിച്ചേര്ത്തു.
https://www.facebook.com/Malayalivartha
