പല വീഡിയോകളും സോഷ്യൽ മീഡിയയിൽ വൈറലാവാറുണ്ട് . അത്തരത്തിൽ ഒരു വീഡിയോയാണ് ഇപ്പോൾ വൈറലാകുകയും ചില ചർച്ചകൾക്ക് വഴി വയ്ക്കുകയും ചെയ്തിരിക്കുന്നത് . അഭിനേത്രി നര്‍ത്തകി എന്നീ നിലകളില്‍ എല്ലാം ശ്രദ്ധ നേടിയതാണ് സുധ ചന്ദ്രന്‍ . പതിനാറാം വയസ്സില്‍ കാല് നഷ്ടപ്പെട്ടിട്ടും, കൃത്രിമമായ കാല് വച്ച് നൃത്തം ചെയ്ത് ജീവിതത്തോടു പോരാടിയ സുധ, തന്റെ ജീവിതം കൊണ്ട് മറ്റുള്ളവര്‍ക്ക് മാതൃകയാവുകയായിരുന്നു. എന്നാല്‍ ഇപ്പോള്‍ പ്രചരിക്കുന്ന വീഡിയോ ആരാധകരെയും സുധയെ സ്‌നേഹിക്കുന്നവരെയും ആശങ്കപ്പെടുത്തുന്നതാണ്.

നോര്‍ത്ത് ഇന്ത്യയില്‍ ഹൈന്ദവ വിശ്വാസപ്രകാരം നടത്തപ്പെടുന്ന ഒരു ആഘോഷമാണ് മാതാ കി ഭക്തി. പ്രപഞ്ചത്തിന്റെ മാതാവായി കരുതപ്പെടുന്ന ദുര്‍ഗ്ഗ, ലക്ഷ്മി, സരസ്വതി, കാളി തുടങ്ങിയ ദേവീരൂപങ്ങളോടുള്ള വിശ്വാസവും ആരാധനയും പ്രകടമാക്കുന്ന ആഘോഷമാണിത്. ഭക്ത ജനങ്ങള്‍ തങ്ങളുടെ എല്ലാ പ്രയാസങ്ങളും സന്തോഷങ്ങളും ദേവിക്ക് മുന്നില്‍ അര്‍പ്പിച്ച് ആടുകയും ദേവീ കീര്‍ത്തനങ്ങള്‍ പാടുകയും ചെയ്യുകയാണ് ചെയ്യുന്നത്.തുടക്കത്തില്‍ സുധയും നൃത്തം ചെയ്യുകയും പാടുകയുമൊക്കെ ചെയ്തുകൊണ്ടിരിക്കുകയാണ്.

പെട്ടന്നാണ് മറ്റൊരാളുടെ നൃത്തം കണ്ടു നിന്നുകൊണ്ടിരിക്കെ സുധ ചന്ദ്രനില്‍ മാറ്റമുണ്ടായത്. തീവ്രമായ വൈകാരിക മാറ്റമായിരുന്നു അത്. പിന്നീട് ചുറ്റും നിന്നവര്‍ക്ക് സുധ ചന്ദ്രയെ നിയന്ത്രിക്കാന്‍ കഴിയാതെയാവുന്നു. പിടിച്ചു നിര്‍ത്താന്‍ ശ്രമിക്കുന്നവരെ സുധ കടിക്കാന്‍ ശ്രമിക്കുന്നതായും കാണാം.ഭജൻ സന്ധ്യക്കിടെ അതീവ വികാരാധീനയായി പെരുമാറുന്ന നടിയും നർത്തകിയുമായ സുധ ചന്ദ്രന്റെ വീഡിയോ വൈറലാകുന്നു.പ്രാർത്ഥനാനിരതയായിരുന്ന താരം ഒരു ഘട്ടത്തിൽ വികാരങ്ങൾ നിയന്ത്രിക്കാനാവാതെ ഉന്മാദാവസ്ഥയിലേക്ക് മാറുന്ന ദൃശ്യങ്ങൾ

വിവിധ സോഷ്യൽ മീഡിയാ പ്ലാറ്റ്ഫോമുകളിൽ പ്രചരിക്കുകയാണ്. പരിപാടിക്കിടെ അവർ നൃത്തം ചെയ്യുന്നതും പിന്നീട് വിങ്ങിപ്പൊട്ടുന്നതും ചുറ്റുമുള്ളവർ അവരെ ആശ്വസിപ്പിക്കുന്നതും വീഡിയോയിലുണ്ട്.വെള്ളയും ചുവപ്പും കലർന്ന സാരിയും ഹെഡ്‌ബാൻഡും ധരിച്ചാണ് സുധ ചന്ദ്രൻ ഭജൻ ചടങ്ങിനെത്തിയത്. ചടങ്ങിൽ അവർ അതിയായി വികാരാധീനയാവുകയും, നിയന്ത്രണം നഷ്ടപ്പെട്ട് പെരുമാറുകയും ചെയ്യുമ്പോൾ ഒപ്പമുള്ളവർ അവരെ താങ്ങി നിർത്താൻ ശ്രമിക്കുന്നത് കാണാം. ചില ദൃശ്യങ്ങളിൽ അവർ കരയുന്നതായും മറ്റു ചിലതിൽ ഒരാളുടെ കയ്യിൽ കടിക്കുന്നതായും വീഡിയോയിലുണ്ട്.

ഇതിനുമുമ്പ് പുറത്തുവന്ന മറ്റുചില ദൃശ്യങ്ങളിൽ അവർ വളരെ ശാന്തമായി പ്രാർത്ഥനയിൽ മുഴുകിയിരിക്കുന്നതും ഭക്തിയോടെ നൃത്തം ചെയ്യുന്നതും കാണാം.രണ്ട് ദിവസങ്ങളായി ഈ വീഡിയോ സോഷ്യല്‍ മീഡിയയില്‍ പ്രചരിക്കുകയാണ്. പൊതുവെ സീരിയലുകളില്‍ സുധ ചന്ദ്ര ഇത്തരം വേഷങ്ങള്‍ ചെയ്യുന്നതുകൊണ്ടു തന്നെ അത്തരം ഏതെങ്കിലും സീരിയല്‍ - സിനിമ ഷൂട്ടിങ് വീഡിയോ ആണെന്നാണ് പലരും തെറ്റിദ്ധരിച്ചത്.