തദ്ദേശ തിരഞ്ഞെടുപ്പില് ബാലറ്റ് പേപ്പറുകള് ഉപയോഗിക്കുമെന്ന് തിരഞ്ഞെടുപ്പ് കമ്മിഷണര്
കര്ണാടകത്തിലെ തദ്ദേശ തിരഞ്ഞെടുപ്പില് ഇ.വി.എമ്മിന് പകരം ബാലറ്റ് പേപ്പറുകള് ഉപയോഗിക്കാന് സംസ്ഥാന തിരഞ്ഞെടുപ്പ് കമ്മിഷണര്. ഗ്രേറ്റര് ബംഗളുരു അതോറിറ്റിയുടെ (ജി.ബി.എ) കീഴില് രൂപീകരിച്ച അഞ്ച് കോര്പ്പറേഷനുകളിലേക്കുള്ള തിരഞ്ഞെടുപ്പിലാണ് ബാലറ്റ് പേപ്പറുകള് തിരിച്ചു കൊണ്ടുവരാന് കമ്മിഷണര് തീരുമാനിച്ചിരിക്കുന്നത്.
ഈ വര്ഷം അവസാനം നടക്കാനിരിക്കുന്ന ജില്ലാ, താലൂക്ക്, പഞ്ചായത്ത് തിരഞ്ഞെടുപ്പുകളിലും ബാലറ്റ് പേപ്പറുകളാണ് ഉപയോഗിക്കുകയെന്നും കര്ണാടക സംസ്ഥാന തിരഞ്ഞെടുപ്പ് കമ്മിഷണര് ജി.എസ്,സംഗ്രേഷി പറഞ്ഞു. ബാലറ്റ് പേപ്പറുകള് ഉപയോഗിക്കുന്നതിന് വിലക്കില്ലെന്നും കമ്മിഷണര് വ്യക്തമാക്കി. മേയ് 25ന് ശേഷമായിരിക്കും തിരഞ്ഞെടുപ്പ്.
ബാലറ്റ് പേപ്പറുകളോ ഇ.വി.എമ്മുകളോ ഉപയോഗിച്ച് തിരഞ്ഞെടുപ്പ് നടത്താന് നിയമം അനുശാസിക്കുന്നതിനാല് കമ്മില്ന് തീരുമാനമെടുക്കാനുള്ള വിവേചനാധികാരമുണ്ടെന്ന് സംഗ്രേഷി പറഞ്ഞു. വെബ് ക്യാമറകളും സി.സി.ടിവി ക്യാമറകളും സ്ഥാപിക്കുമെന്നും കള്ളവോട്ട് സംബന്ധിച്ച ആശങ്കകള് പരിഹരിക്കുന്നതിന് പൊലീസ് സുരക്ഷ ഉറപ്പാക്കുമെന്നും കമ്മിഷണര് അറിയിച്ചു.
സംസ്ഥാനത്തെ എല്ലാ പഞ്ചായത്ത് , നഗര, തദ്ദേശ സ്വയംഭരണ സ്ഥാപനങ്ങലിലേക്ക് നടക്കുന്ന തിരഞ്ഞെടുപ്പുകള് ബാലറ്റ് പേപ്പര് ഉപയോഗിച്ച് നടത്തണമെന്ന് തിരഞ്ഞെടുപ്പ് കമ്മിഷനോട് സംസ്ഥാന സര്ക്കാര് നേരത്തെ ശുപാര്ശ ചെയ്തിരുന്നു. 2025ലാണ് ഗ്രേറ്റര് ബംഗളുരു അതോറിറ്റിയുടെ കീഴില് സെന്ട്രല്, ഈസ്റ്റ്, വെസ്റ്റ്, നോര്ത്ത്, സൗത്ത് എന്നീ അഞ്ച് പുതിയ മുനിസിപ്പല് കോര്പ്പറേഷനുകളായി വിഭജിച്ചത്.
https://www.facebook.com/Malayalivartha
