അശ്ലീല ദൃശ്യ വിവാദത്തില് ഡിജിപി രാമചന്ദ്ര റാവുവിന് സസ്പെന്ഷന്
ഔദ്യോഗിക ചേംബറില് യുവതിയുമായി ഡിജിപി നടത്തിയ ലീലാവിലാസങ്ങള് പ്രചരിച്ച സംഭവത്തില് നടപടിയുമായി കര്ണാടക സര്ക്കാര്. സിവില് റൈറ്റ്സ് എന്ഫോഴ്സ്മെന്റിന്റെ ചുമതല വഹിക്കുന്ന ഡിജിപി കെ. രാമചന്ദ്ര റാവുവിനെ സസ്പെന്ഡ് ചെയ്തു. യൂണിഫോമിലുള്ള ഉദ്യോഗസ്ഥന് ഓഫിസിലെത്തിയ യുവതിയെ ചുംബിക്കുന്നതിന്റെയും കെട്ടിപ്പിടിക്കുന്നതിന്റെയും ഒന്നിലധികം ഒളിക്യാമറ ദൃശ്യങ്ങള് കഴിഞ്ഞ ദിവസം സമൂഹമാധ്യമങ്ങളിലൂടെ പുറത്തുവന്നിരുന്നു. സംഭവം വിവാദമായതോടെ അന്വേഷണം പ്രഖ്യാപിച്ച സിദ്ധരാമയ്യ സര്ക്കാര്, രാമചന്ദ്രറാവുവിനെ സര്വീസില് നിന്ന് സസ്പെന്ഡ് ചെയ്യുകയായിരുന്നു. വിരമിക്കാന് 4 മാസം മാത്രം ബാക്കി നില്ക്കെയാണ് കെ.രാമചന്ദ്രറാവുവിനെതിരെ നടപടി എടുത്തത്.
അതേസമയം എട്ട് വര്ഷം മുന്പത്തെ വിഡിയോയാണ് ഇപ്പോള് പുറത്തുവന്നതെന്നാണ് സൂചന. ഓഫിസ് സമയത്ത് ക്യാബിനിലെത്തിയ സഹപ്രവര്ത്തകയെ ഡിജിപി ചുംബിക്കുന്നതായാണ് ദൃശ്യങ്ങളില് കാണുന്നത്. ഓഫിസിനുള്ളില് നിന്നുതന്നെ ചിത്രീകരിച്ച ദൃശ്യമാണിത്. വിഡിയോ പുറത്തുവന്നതിനു പിന്നാലെ ഡിജിപി രാമചന്ദ്ര റാവു ആഭ്യന്തര മന്ത്രി ജി.പരമേശ്വരയുടെ വീട്ടിലെത്തിയെങ്കിലും ഡിജിപിയെ കാണാന് മന്ത്രി തയാറായില്ല.
1993 ബാച്ച് ഐപിഎസ് ഉദ്യോഗസ്ഥാനായ രാമചന്ദ്ര റാവുവിന്റെ വളര്ത്തു മകള് രന്യ റാവുവിനെ 2025 ല് സ്വര്ണ കടത്തുകേസില് റവന്യു ഇന്റലിജന്സ് അറസ്റ്റ് ചെയ്തിരുന്നു. വിമാനത്താവളത്തിലെ പരിശോധന മറികടക്കാന് സഹായിച്ചെന്നു കണ്ടെത്തിയതിനെ തുടര്ന്നു കഴിഞ്ഞ വര്ഷം സര്ക്കാര് രാമചന്ദ്രറാവുവിനോട് നിര്ബന്ധിത അവധിയെടുക്കാന് നിര്ദേശിച്ചു. അവധി പൂര്ത്തിയാക്കി അടുത്തിടെയാണ് രാമചന്ദ്ര റാവു സര്വീസില് തിരിച്ചെത്തിയത്. ഗുരുതരമായ അച്ചടക്ക ലംഘനവും ഔദ്യോഗിക പദവിയുടെ ദുരുപയോഗവുമാണ് ഇതെന്നാണ് ഉയരുന്ന വിമര്ശനം.
https://www.facebook.com/Malayalivartha
