നവ വധുവിനെ വെടിവെച്ച് കൊന്ന് ഭര്ത്താവ് ജീവനൊടുക്കി
ഗുജറാത്തില് ഭാര്യയെ വെടിവെച്ച് കൊലപ്പെടുത്തിയ ശേഷം ഭര്ത്താവ് ജീവനൊടുക്കി. മാരിടൈം ബോര്ഡ് ഉദ്യോഗസ്ഥനായ യഷ്രാജ്സിങ് ഗോഹിലാണ് ഭാര്യ രാജേശ്വരിയെ കൊലപ്പെടുത്തിയ ശേഷം ജീവനൊടുക്കിയത്. ദമ്പതിമാര് താമസക്കുന്ന അഹമ്മദാബാദിലെ അപ്പാര്ട്ട്മെന്റില് ബുധനാഴ്ച രാത്രിയാണ് ദാരുണമായ സംഭവം നടന്നത്.
ഇരുവരും വിവാഹിതരായിട്ട് രണ്ട് മാസം മാത്രമേ ആയിട്ടുള്ളൂവെന്ന് പൊലീസ് പറഞ്ഞു. വാക്ക് തര്ക്കമാകാം കൊലപാതകത്തിന് പിന്നിലെ കാരണമെന്നാണ് പ്രാഥമിക നിഗമനം. ഇരുവരുടെയും മൃതതേദങ്ങള് പോസ്റ്റ്മോര്ട്ടത്തിനായി അയച്ചിരിക്കുകയാണ്. സംഭവത്തില് വിശദമായ അന്വേഷണം നടത്തുമെന്നും തോക്കിന്റെ ലൈസന്സ്, 108 കോള് റെക്കോര്ഡുകള് തുടങ്ങിയ വിശദാംശങ്ങള് പരിശോധിച്ച് വരികയാണെന്നും പൊലീസ് അറിയിച്ചു.
ബുധനാഴ്ച രാത്രി ദമ്പതിമാര് തമ്മില് ഒരു തര്ക്കം ഉണ്ടായതായും, അതിനിടയില് യഷ്രാജ്സിങ് തന്റെ ലൈസന്സുള്ള റിവോള്വര് ഉപയോഗിച്ച് രാജേശ്വരിക്ക് നേരെ വെടിയുതിര്ക്കുകയായിരുന്നുവെന്നാണ് പൊലീസ് പറയുന്നത്. സംഭവത്തിന് പിന്നാലെ യഷ്രാജ്സിങ് 108 എമര്ജന്സി സര്വീസിലേക്ക് വിളിച്ചു. എന്നാല് ആശുപത്രിയിലെത്തിച്ചപ്പോഴേക്കും രാജേശ്വരി മരിച്ചതായി ഡോക്ടര്മാര് സ്ഥിരീകരിച്ചു. ഇതിനിടെ യുവതിയുമായി ആംബുലന്സ് പുറപ്പെട്ടതിന് പിന്നാലെ യഷ്രാജ്സിങ് അപ്പാര്ട്ട്മെന്റിലെ മറ്റൊരു മുറിയിലേക്ക് പോയി തോക്കുപയോഗിച്ച് സ്വയം വെടിവച്ച് ജീവനൊടുക്കിയെന്നും പൊലീസ് പറഞ്ഞു.
ഗുജറാത്ത് കോണ്ഗ്രസ് മുന് അധ്യക്ഷനും രാജ്യസഭാ എംപിയുമായ ശക്തിസിങ് ഗോഹിലിന്റെ അനന്തരവനായിരുന്നു യഷ്രാജ്സിങ്. ദമ്പതിമാരുടെ മരണത്തില് കോണ്ഗ്രസ് വക്താവ് മനീഷ് ദോഷി ദുഃഖം രേഖപ്പെടുത്തി. കുടുംബം മുഴുവന് ഞെട്ടലിലാണ്. ഇത് വളരെ വേദനാജനകമായ ഒരു സാഹചര്യമാണ്,' ദോഷി പറഞ്ഞു. എനിക്ക് യാഷ്രാജിനെ വ്യക്തിപരമായി അറിയാമായിരുന്നു., അദ്ദേഹം വളരെ സന്തുഷ്ടനായ വ്യക്തിയായിരുന്നു. അടുത്തിടെയാണ് അദ്ദേഹം മാരിടൈം ബോര്ഡ് പരീക്ഷയില് വിജയിച്ച് ജോലിയില് പ്രവേശിച്ചത്. യുപിഎസ്സി പരീക്ഷകള്ക്ക് തയ്യാറെടുക്കവേയായിരുന്നു വിയോഗം മനീഷ് ദോഷി പറഞ്ഞു.
വിവാഹം കഴിഞ്ഞുള്ള ദിവസങ്ങില് ദമ്പതികള് വളരെ സന്തോഷത്തോടെയായിരുന്നു കഴിഞ്ഞിരുന്നത്. അവധിക്കാലം ആഘോഷിക്കാന് വിദേശത്തേക്ക് പോകാന് ഇരുവരും പദ്ധതിയിട്ടിരുന്നുവെന്നുമാണ് ബന്ധുക്കള് പറഞ്ഞു. യാഷ്രാജിന് തന്റെ റിവോള്വര് ഉപയോഗിച്ച് കളിക്കുന്ന ശീലമുണ്ടായിരുന്നുവെന്നും അബദ്ധത്തില് വെടിയുതിര്ന്ന് ഭാര്യ മരണപ്പെട്ടതാകാമെന്നുമാണ് ഇവര് അവകാശപ്പെടുന്നത്. ഡോക്ടര്മാരുടെ സംഘമെത്തി പരിശോധിച്ചപ്പോള് തന്നെ രാജേശ്വരിയുടെ മരണം സ്വിരീകരിച്ചു. ഇത് കേട്ട് യാഷ്!രാജ് മാനസികമായി തകര്ന്ന് സ്വയം വെടിയുതിര്ത്ത് ജീവനൊടുക്കിയതാണെന്ന് ബന്ധുക്കള് പറയുന്നു.
https://www.facebook.com/Malayalivartha
