ബീഫ് കഴിച്ച മലയാളി വിദ്യാര്‍ത്ഥിക്ക് ഉപരിപഠനത്തിനുള്ള അവസരം നഷ്ടമായി. ബീഫ് കഴിച്ചതിനെ തുടര്‍ന്നുള്ള പോലീസ് കേസിന്റെ അടിസ്ഥാനത്തിലാണ് അവസരം നഷ്ടമായത്. ഹൈദരാബാദിലെ ഇഫഌവില്‍ പി.ജി. വിദ്യാര്‍ഥിയായ ജലീസിന്റെ പി.എച്ച്.ഡി. അപേക്ഷയാണ് നിരസിച്ചത്.ഇഫഌവില്‍ വിദ്യാര്‍ത്ഥിയായ ജലീസ് കാമ്പസില്‍ ബീഫ് കഴിച്ചതിന് സര്‍വകലാശാല അധികൃതര്‍ ഉസ്മാനിയ പോലീസില്‍ പരാതി നല്‍കിയിരുന്നു. കേസ് നിലനില്‍ക്കുന്നുവെന്ന് പറഞ്ഞാണ് പി.എച്ച്.ഡി. പ്രവേശന പരീക്ഷ എഴുതാനുള്ള അനുമതി നിഷേധിച്ചത്.ഇഫ്ഌവില്‍ എം.എ. അറബിക് വിദ്യാര്‍ത്ഥിയാണ് മലപ്പുറം കോടൂര്‍ സ്വദേശിയാണ് മുഹമ്മദ് ജലീസ്. കഴിഞ്ഞ ഡിസംബറിലാണ് ഇസ്മാനിയ സര്‍വകലാശാലയില്‍ ബീഫ് ഫെസ്റ്റിവല്‍ നടന്നത്. സര്‍വകലാശാലയിലെ ഫെസ്റ്റിവലിന് ഐക്യദാര്‍ഢ്യം പ്രഖ്യാപിച്ച് 25 വിദ്യാര്‍ത്ഥികള്‍ ഇഫ്ഌവിലും പരിപാടി സംഘടിപ്പിച്ചിരുന്നു. ഇതിനെതിരെ സര്‍വകലാശാല പരാതി നല്‍കിയിരുന്നു. ഈ കേസാണ് പി.എച്ച്.ഡി. പ്രവേശനത്തിന് വിനയായത്.പരീക്ഷ എഴുതാന്‍ അനുവദിക്കില്ലെന്ന നിലപാടിലാണ് സര്‍വകലാശാല. നാല് മാസം മുമ്പ് നടന്ന സംഭവത്തില്‍ സര്‍വകലാശാല പരാതി നല്‍കിയതോ അതില്‍ കേസ് രജിസ്റ്റര്‍ ചെയ്തതോ വിദ്യാര്‍ഥികള്‍ അറിഞ്ഞിരുന്നില്ല. പോലീസും സര്‍വകലാശാലയും വിവരം അറിയിച്ചിട്ടുമില്ല. കേസിന്റെ വിശദാംശങ്ങള്‍ ആരാഞ്ഞ് ജലീസ് സര്‍വകലാശാല വൈസ് ചാന്‍സിലര്‍ക്ക് പരാതി നല്‍കി. സര്‍വകലാശാലക്കെതിരെ നിയമ നടപടിക്ക് പോകുമെന്നും ജലീസ് വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha