സമരം മുഖ്യമന്ത്രിക്കുമാകാം? മുഖ്യമന്ത്രി സമരം നടത്തരുതെന്ന് ഭരണഘടനയില് പറഞ്ഞിട്ടില്ലെന്ന് കെജ്രിവാള്
എല്ലാത്തിനും ഒരു ആം ആദ്മി ടച്ച് വേണമെന്നാണ് അരവിന്ദ് കെജ്രിവാളിന്റെ വാദം. പോലീസിനെതിരായ സമരത്തില് പരക്കെ വിമര്ശനം വന്നിരുന്നു. അതിന് മറുപടിയായിട്ടാണ് കെജ്രിവാള് എത്തിയിരിക്കുന്നത്. മുഖ്യമന്ത്രി സമരം നടത്തരുതെന്ന് ഒരു ഭരണഘടനയിലും പറഞ്ഞിട്ടില്ലെന്ന് കെജ്രിവാള് പറഞ്ഞു. ലോക് പാല് ബില് പാസ്സാക്കാന് ഫെബ്രുവരിയില് രാംലീലയില് പ്രത്യേക നിയമസഭാ സമ്മേളനം വിളിച്ചു ചേര്ക്കുമെന്നും കെജ്രിവാള് പറഞ്ഞു. ഇതിനിടെ തനിക്കെതിരായ ആരോപണം രാഷ്ട്രീയ ഗൂഢാലോചനയെന്ന് വ്യക്തമാക്കി നിയമമന്ത്രി സോംനാഥ് ഭാരതി രംഗത്തെത്തി.
റിപ്പബ്ളിക് ദിന സന്ദേശത്തിലാണ് ഡല്ഹി പോലീസിനെതിരെ റെയില്ഭവന് മുന്നില് നടത്തിയ ധര്ണയെ കെജ്രിവാള് ന്യായീകരിച്ചിരിക്കുന്നത്. 'മുഖ്യമന്ത്രിക്ക് സമരം ചെയ്യാന് പാടില്ലെന്ന് ഭരണഘടനയില് എവിടെയും പറഞ്ഞിട്ടില്ല. സമരം ചെയ്യുക എന്നുള്ളത് എന്റെ അവകാശമാണ്. ഭരണഘടനാ ലംഘനമല്ല. സമരത്തെ നേരിടാന് നിരോധനാജ്ഞ പ്രഖ്യാപിക്കുന്നതാണ് ഭരണഘടനാലംഘനം. കെജ്രിവാള് പറഞ്ഞു.
കെജ്രിവാളിന്റെ ധര്ണയ്ക്കെതിരായി വ്യാപകമായ വിമര്ശനങ്ങളാണ് ഉയര്ന്നിരുന്നത്.ഭരണഘടനയുടെ അന്തസ്സിനും മുഖ്യമന്ത്രിയുടെ പദവിക്കും ചേര്ന്ന നടപടിയല്ല കെജ്രിവാളിന്റേതെന്ന് കോണ്ഗ്രസും ബി.ജെ.പിയുമടക്കമുള്ള രാഷ്ട്രീയ പാര്ട്ടികള് വിമര്ശിച്ചു.
അഴിമതി കുറയ്ക്കാന് എഎപി മന്ത്രിസഭ ബാധ്യസ്ഥനാണ്. കഴിഞ്ഞ 15 ദിവസത്തിനുള്ളഇവല് 20 ശതമാനം അഴിമതിയാണ് സംസ്ഥാനത്ത് കുറഞ്ഞത്. സ്ത്രീ സുരക്ഷയ്ക്ക് സര്ക്കാര് വലിയ പ്രാധാന്യമാണ് നല്കുന്നത്. രാജ്യത്തെ ആദ്യ അഴിമതിരഹിത സംസ്ഥാനമായി ഡല്ഹിയെ മാറ്റുക എന്നതാണ് ലക്ഷ്യം റിപ്പബ്ളിക് ദിന സന്ദേശത്തില് കെജ്രിവാള് പറയുന്നു.
വംശീയാധിക്ഷേപത്തിന്റെ പേരില് വിമര്ശനങ്ങള് നേരിടുന്ന എഎപി മന്ത്രിസഭയിലെ നിയമമന്ത്രി സോംനാഥ് ഭാരതിയെ കെജ്രിവാള് ന്യായീകരിച്ചു. സോംനാഥ് തെറ്റ് ചെയ്തുവെന്ന് കരുതുന്നില്ല. വനിത കമ്മീഷന് രാഷ്ട്രീയ പ്രേരിതമായാണ് പ്രവര്ത്തിക്കുന്നതെന്നും കെജ്രിവാള് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
