മഹാരാഷ്ട്ര വനിതാകമ്മീഷന് അംഗത്തിന്റെ സ്ത്രീവിരുദ്ധ പരാമര്ശം വിവാദമായി, അവസാനം ഖേദപ്രകടനം
സ്ത്രീകളുടെ വസ്ത്രധാരണരീതിയും പെരുമാറ്റവും വേണ്ടാത്ത സ്ഥലത്തുള്ള സ്ത്രീയുടെ സാന്നിദ്ധ്യവും ബലാത്സംഗങ്ങള്ക്ക് കാരണമാകുന്നുവെന്ന മഹാരാഷ്ട്ര വനിതാകമ്മീഷന് അംഗം ഡോ.ആശ മിര്ജയുടെ പരാമര്ശം വിവാദമായി.
ഡല്ഹിയില് കൂട്ടമാനഭംഗത്തിന് ഇരയായി കൊല്ലപ്പെട്ട പെണ്കുട്ടി എന്തിനാണ് രാത്രി പതിനൊന്ന് മണിക്ക് പുറത്തു പോയതെന്നും മുംബൈയില് വനിത മാദ്ധ്യമ പ്രവര്ത്തക വൈകീട്ട് ആറിനുശേഷം വിജനമായ ശക്തി മില്സ് പരിസരത്ത് പോയതിനാലാണ് അക്രമത്തിനു ഇരയായതെന്നും മിര്ജി അഭിപ്രായപ്പെട്ടു.
സ്ത്രീകള് അശ്രദ്ധരായതുകൊണ്ടാണ് ഇത്തരം പീഢനങ്ങള് വര്ദ്ധിക്കുന്നത്. എവിടെ പോകുന്നു, എന്തിനു പോകുന്നു, ആരുടെ കൂടെ പോകുന്നു, അവിടെ പോകേണ്ട ആവശ്യമുണ്ടോ എന്നിങ്ങനെ കുറെ ചോദ്യങ്ങള് സ്ത്രീകള് എവിടെയെങ്കിലും പോകുന്നതിനു മുമ്പ് സ്വയം ചോദിക്കണമെന്നും മിര്ജ നല്കുന്നു.
എന്.സി.പി നേതാവു കൂടിയായ ആശ മിര്ജ വനിതാ കമ്മീഷന് അദ്ധ്യക്ഷയും കേന്ദ്ര മന്ത്രി ശരദ് പവാറിന്റെ മകളുമായ സുപ്രിയ സുലെയുടെ സാന്നിദ്ധ്യത്തില് പൊതുവേദിയില് വച്ചാണ് സ്ത്രീവിരുദ്ധ പരാമര്ശങ്ങള് നടത്തിയത്.
പ്രസംഗം വിവാദമായതോടെ ആശ മിര്ജി ഖേദപ്രകടനം നടത്തി. മിര്ജിയുടെ പരാമര്ശം അനവസരത്തില് ആയിപ്പോയെന്ന് സുപ്രിയ സുലെയും എന്.സി.പി നേതാവ് പ്രഫുല് പട്ടേലും പറഞ്ഞു. മിര്ജിയുടെ പരാമര്ശം താന് കേട്ടില്ലെന്നും അതിനാല് പ്രതികരിക്കുന്നില്ലന്നും പരാമര്ശം എന്തുതന്നെയാണേലും അത് അവരുടെ വ്യക്തിപരമായതാണെന്നും പാര്ട്ടിയുടേതല്ലെന്നും എന്.സി.പി നേതാവ് നവാബ് മാലിക്ക് അഭിപ്രായപ്പെട്ടു.
https://www.facebook.com/Malayalivartha
