ഇസ്രത് ജഹാന് കേസില് അമിത് ഷായെ പ്രതി ചേര്ത്തിരുന്നെങ്കില് കേന്ദ്ര സര്ക്കാരിന് സന്തോഷമായേനെയെന്ന് സിബിഐ ഡയറക്ടര്
ഇസ്രത് ജഹാന് വ്യാജ ഏറ്റുമുട്ടല് കേസില് നരേന്ദ്ര മോഡിയുടെ വിശ്വസ്തന് അമിത് ഷായെ പ്രതിയാക്കാന് കേന്ദ്ര സര്ക്കാര് ശ്രമിക്കുന്നു എന്ന ബിജെപിയുടെ ആരോപണത്തെ ശരി വയ്ക്കുന്ന സിബിഐ ഡയക്ടറുടെ പ്രസ്ഥാവന.
മോഡിയുടെ വിശ്വസ്തനായ അമിത് ഷായെ പ്രതി ചേര്ത്തിരുന്നെങ്കില് കേന്ദ്ര സര്ക്കാരിന് സന്തോഷമായേനെയെന്ന് സിബിഐ ഡയറക്ടര് രഞ്ജിത് സിന്ഹ പറഞ്ഞു. എന്നാല് ഗുജറാത്ത് ആഭ്യന്തരമന്ത്രി കൂടിയയായ അമിത് ഷായെ പ്രതി ചേര്ക്കാനോ വിചാരണ ചെയ്യാനോ മതിയായ തെളിവുകള് ഇല്ല എന്നും സിന്ഹ പറഞ്ഞു. ഇക്കണോമിക് ടൈംസിന് അനുവദിച്ച പ്രത്യേക അഭിമുഖത്തിലാണ് സിന്ഹ കേന്ദ്ര സര്ക്കാരിനെ പരസ്യമായി വിമര്ശിക്കുന്നത്.
അമിത് ഷായെക്കുറിച്ച് ചില സംശയങ്ങള് ഉണ്ടായിരുന്നു. എന്നാല് അത് ഉറപ്പിക്കുന്നതിന് വേണ്ട തെളിവുകള് ലഭിച്ചില്ല. അതിനാലാണ് ഷായെ കുറ്റപത്രത്തില് നിന്നുമൊഴിവാക്കിയത്. ഷായെ ഒഴിവാക്കിയതിലൂടെ അന്വേഷണം ശരിയായ രീതിയില് നടന്നു എന്ന് തെളിഞ്ഞിരിക്കുകയാണെന്നും രഞ്ജിത് സിന്ഹ പറഞ്ഞു.
അഹമ്മദാബാദിനു സമീപം 2004ല് പതിതൊമ്പതുകാരി ഇസ്രത് ജഹാനേയും മലയാളിയായ പ്രാണേഷ് കുമാറിനേയും മറ്റു രണ്ടു പേരേയും തീവ്രവാദികളെന്ന പേരില് വ്യാജ ഏറ്റുമുട്ടലിലൂടെ കൊലപ്പെടുത്തി എന്നാണ് കേസ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
