കൈയ്യടി നേടുമോ? ഗ്യാസിന് വിലകൂട്ടാന് കൂട്ടുനിന്ന വീരപ്പമൊയ്ലിക്കും മുകേഷ് അമ്പാനിക്കും എതിരെ കേസെടുക്കാന് കെജ്രിവാളിന്റെ നിര്ദ്ദേശം
കേന്ദ്ര പെട്രോളിയം മന്ത്രി വീരപ്പമൊയ്ലി, റിലയന്സ് ഉടമ മുകേഷ് അംബാനി എന്നിവര്ക്കെതിരെ അഴിമതി വിരുദ്ധ നിയമപ്രകാരം കേസെടുക്കാന് ഡല്ഹി മുഖ്യമന്ത്രി അരവിന്ദ് കെജ്രിവാളിന്റെ നിര്ദ്ദേശം. പ്രകൃതിവാതക വിലകൂട്ടാന് റിലയന്സിന് ചട്ടവിരുദ്ധമായ അനുമതി നല്കിയെന്ന പരാതിയിന്മേലാണ് നടപടി.
കൃത്രിമ ക്ഷാമമുണ്ടാക്കി രാജ്യത്ത് പ്രക്യതിവാതക വില ഉയര്ത്താനാണ് റിലയന്സിന്റെ ശ്രമമെന്ന് കെജ്രിവാള് ആരോപിച്ചു. കേന്ദ്രസര്ക്കാര് ഇതിന് കൂട്ടുനില്ക്കുകയാണ്. വീരപ്പ മൊയ്ലി, മുകേഷ് അംബാനി എന്നിവര്ക്ക് പുറമെ മുന് പെട്രോളിയം മന്ത്രി മുരളി ദേവ്റക്കെതിരെയും ക്രിമിനല് കേസെടുക്കാന് നിര്ദേശം നല്കിയിട്ടുണ്ട്.
ഉത്പാദന ചെലവ് ഒരു ഡോളറില് താഴെ മാത്രമുള്ളപ്പോള് നാല് ഡോളറിനാണ് ഇന്ത്യയില് റിലയന്സ് പ്രകൃതിവാതകം വില്ക്കുന്നത്. ഏപ്രില് മുതല് ഇത് 8 ഡോളറാക്കാനാണ് നീക്കം. ഇതിലൂടെ 54,000 കോടി രൂപ റിലയന്സിന് ലാഭമുണ്ടാകുമെന്നും കെജ്രിവാള് പറഞ്ഞു. റിലയന്സിനെതിരെ പ്രതികരിക്കാന് കോണ്ഗ്രസിനേയും ബിജെപിയേയും കെജ്രിവാള് വെല്ലുവിളിച്ചു. റിലയന്സിന്റെ പക്കലുള്ള എണ്ണപാടങ്ങള് തിരിച്ചുപിടിക്കണമെന്നും സംഭവത്തില് അന്വേഷണത്തിന് തയ്യാറാകണമെന്നും ആവശ്യപ്പെട്ട് പ്രധാനമന്ത്രി, വീരപ്പ മൊയ്ലി എന്നിവര്ക്ക് കെജ്രിവാള് കത്തെഴുതി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
