ബിയറില് നഖം : 30,000 രൂപ നഷ്ടപരിഹാരം നല്കാന് കോടതി വിധിച്ചു
ബിയറില് നഖം കണ്ടെത്തിയ സംഭവത്തില് നാഗരാജ് എന്ന ഉപഭോക്താവിന് 30,000 രൂപ നഷ്ട പരിഹാരമായി കൊടുക്കുവാന് കോടതി വിധിച്ചു. തമിഴ്നാട് സ്റ്റേറ്റ് മാര്ക്കറ്റിങ്ങ് കോര്പ്പറേഷന്റെ അവിനാഷ് ബിയര് ഷോപ്പില് നിന്ന് വാങ്ങിയ ബിയറിലായിരുന്നു നഖം കണ്ടത്. നാഗരാജ് നല്കിയ പരാതിയിന്മേലാണ് കോയമ്പത്തൂര് കണ്സ്യൂമര് കോടതിയുടെ വിധി പ്രഖ്യാപനം.
രണ്ടു വര്ഷം മുമ്പായിരുന്നു ഈ സംഭവം. നാഗരാജും സുഹൃത്തുക്കളും കൂടി തിരുപൂര് ജില്ലയിലെ അവനാഷിലുളള തമിഴ്നാട് സ്റ്റേറ്റ് മാര്ക്കറ്റിങ്ങ് കോര്പ്പറേഷന്റെ കടയില് നിന്ന് ബിയര് വാങ്ങിയത്. അടുത്ത ദിവസം ബിയര് കുടിച്ച നാഗരാജിന് വയറുവേദന അനുഭവപ്പെട്ടതിനെ തുടര്ന്ന് ആശുപത്രിയില് കൊണ്ടു പോയി. അവിടെ കിടത്തി പരിശോധന നടത്തിയപ്പോഴാണ് ബിയറില് നഖം കണ്ടെത്തിയത്.
ഈ സംഭവം ഉടന് തന്നെ കോടതിയില് രജിസ്റ്റര് ചെയ്തു.
ഒന്നരലക്ഷം രൂപ നഷ്ടപരിഹാരമാണ് നാഗരാജ് ആവശ്യപ്പെട്ടതെങ്കിലും കേസ് പരിഗണിച്ച കണ്സ്യൂമര് ജഡ്ജി ദണ്ഡപാണി മുപ്പതിനായിരം രൂപ നഷ്ടപരിഹാരത്തിനും ആയിരം രൂപ കോടതി ചെലവിനും നല്കാന് വിധിക്കുകയായിരുന്നു.
തമിഴ്നാട്ടിലെ മുഴുവന് മദ്യവില്പനയും നിയന്ത്രിക്കുന്നത് സംസ്ഥാന സര്ക്കാരിന്റെ ഉടമസ്ഥതയിലുളള തമിഴ്നാട് സ്റ്റേറ്റ് മാര്ക്കറ്റിങ്ങ് കോര്പ്പറേഷനാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
