ഡല്ഹിയില് പീഡനം തുടര്ച്ചയായ രണ്ടാം ദിവസവും, കുട്ടിയെ പീഡിപ്പിച്ച് കുഴിയില് തള്ളി; പ്രതി അറസ്റ്റില്
മൂന്നരവയസ്സുകാരിയെ പീഡിപ്പിച്ച ശേഷം കഴുത്ത് ഞെരിച്ചകുഴിയില് തള്ളിയ ആള് പിടിയില്. തിങ്കളാഴ്ച രാത്രി അതിക്രമത്തിനിരയായ കുട്ടിയെ ഇന്നലെ രാവിലെ കണ്ടെത്തി ആശുപത്രിയിലെത്തിക്കുകയായിരുന്നു. കുട്ടി അപകടനില തരണം ചെയ്തതായി ഡോക്ടര്മാര് അറിയിച്ചു.
വടക്കന് ഡല്ഹിയിലെ സരായ് രോഹില മേഖലയില് നടന്ന സംഭവത്തില് ബീര്ബല് (35) എന്നയാളെയാണു പൊലീസ് അറസ്റ്റ് ചെയ്തത്. കുട്ടിയെ തിങ്കളാഴ്ച രാത്രി ഏഴു മുതല് കാണാതായിരുന്നു. ഒരാള് ചോക്കലേറ്റ് നല്കുന്നതു കണ്ടിരുന്നതായി മൂത്ത സഹോദരി പറഞ്ഞതിന്റെ അടിസ്ഥാനത്തില് നടത്തിയ അന്വേഷണത്തിലാണു മദ്യലഹരിയിലായിരുന്ന ബീര്ബലിനെ പിടികൂടിയത്.
തട്ടിക്കൊണ്ടുപോകല്, പീഡനം, വധശ്രമം എന്നിവയുമായി ബന്ധപ്പെട്ട വകുപ്പുകളും കുട്ടികള്ക്കെതിരായ അതിക്രമങ്ങള് തടയുന്നതിനുള്ള പോസ്കോ വകുപ്പും പ്രതിക്കെതിരെ ചുമത്തി. തുടര്ച്ചയായ രണ്ടാം ദിവസമാണു തലസ്ഥാനത്തു കുട്ടികള്ക്കെതിരായ പീഡനം റിപ്പോര്ട്ട് ചെയ്യുന്നത്. ഞായറാഴ്ച രാത്രി നാലുവയസ്സുകാരി സംഘം ചേര്ന്നുള്ള പീഡനത്തിനിരയായി കൊല്ലപ്പെട്ടിരുന്നു.
https://www.facebook.com/Malayalivartha
