നോട്ട് നിരോധനവുമായി ബന്ധപ്പെട്ടുള്ള ഹര്ജികള് പിന്വലിക്കണമെന്ന കേന്ദ്ര സര്ക്കാരിന്റെ ആവശ്യം സുപ്രീംകോടതി തള്ളി
നോട്ട് പിന്വലിക്കല് നടപടിയെ ചോദ്യം ചെയ്ത് വിവിധ കീഴ് കോടതികളിലും ഹൈക്കോടതികളിലും സമര്പ്പിക്കപ്പെട്ടിരിക്കുന്ന ഹര്ജികള് പിന്വലിക്കണമെന്ന കേന്ദ്ര സര്ക്കാരിന്റെ ആവശ്യം അംഗീകരിക്കാന് സുപ്രീം കോടതി വിസമ്മതിച്ചു. ഇത് മൂന്നാം തവണയാണ് ഹര്ജികള് പിന്വലിക്കാന് കഴിയില്ലെന്ന് സുപ്രീം കോടതി വ്യക്തമാക്കുന്നത്. ചീഫ് ജസ്റ്റീസ് ടി.എസ്.ഠാക്കൂര് അധ്യക്ഷനായ ബെഞ്ചിന്റേതാണ് സുപ്രധാന നിരീക്ഷണം.
അതേസമയം നോട്ട് നിരോധിക്കലുമായി ബന്ധപ്പെട്ടുള്ള ഹര്ജികള് സുപ്രീം കോടതിയിലേക്കോ ഡല്ഹി ഹൈക്കോടതിയിലേക്കോ മാറ്റണമെന്ന കേന്ദ്ര സര്ക്കാരിന്റെ ആവശ്യം ഡിസംബര് രണ്ടിന് പരിഗണിക്കാന് മാറ്റി. നോട്ട് നിരോധിക്കലിനെ ചോദ്യം ചെയ്ത് രാജ്യത്തെ വിവിധ കോടതികളില് 15-ഓളം ഹര്ജികള് സമര്പ്പിക്കപ്പെട്ടിട്ടുണ്ടെന്നും ഇതില് ചിലത് അപ്രസക്തമാണെന്നും അറ്റോണി ജനറല് മുകുള് റോഹ്തഗി വാദിച്ചു.
ചില കോടതികള് ഹര്ജി തള്ളിയിട്ടുണ്ട്. ചിലത് സുപ്രീം കോടതിയുടെ വിധിക്കായി കാത്തിരിക്കുകയാണ്. സമാന ഹര്ജികളെല്ലാം ഒരു കോടതിയുടെ പരിഗണനയ്ക്ക് വന്നാല് ഉപകാരമായിരിക്കുമെന്നും അറ്റോര്ണി ജനറല് കോടതിയെ അറിയിച്ചു.
https://www.facebook.com/Malayalivartha
