കല്യാണക്കാരും സ്വര്ണ്ണക്കടക്കാരും കുഴങ്ങുന്നു..മഞ്ഞലോഹം മഞ്ഞലോഹം തന്നെയെന്ന് തെളിയിക്കുന്നു: കള്ളപ്പണംപോലെ സ്വര്ണ്ണവും ഇനി പുറത്തിറക്കാന് കഴിയില്ല
കഴുത്തിലും, ശരീരത്തിലും നൂറുകണക്കിന് പവന്കൊണ്ടുമൂടി അണിഞ്ഞൊരുങ്ങി നില്ക്കുന്ന വധുക്കളെ ത്തേടി ആദായനികുതിക്കാരെത്തും. വിവാഹ പന്തലിലേക്ക് നീങ്ങുന്ന നവവധൂവരന്മാര് വായിച്ചറിയാന്.
കേരളത്തിലെ വിവാഹങ്ങളില് നൂറും ഇരുന്നൂറും പവന്കൊണ്ട് മൂടി വധുക്കളെ മണ്ഡപത്തിലേക്കയക്കുന്ന പതിവുകാഴ്ച മായുന്നു. സ്വര്ണ്ണ ഉപയോഗത്തില് ഏര്പ്പെടുത്തുന്ന നിയന്ത്രണങ്ങള് നടപ്പിലാക്കാന് സെന്ട്രല് എക്സൈസ് ഇന്റലിജിന്സിന് കര്ശന നിര്ദേശം നല്കികഴിഞ്ഞു കേന്ദ്രസര്ക്കാര്.
ഇതോടെ സ്വര്ണ്ണത്തിന് വന്തോതില് വിലയിടിയുമെന്ന് ഏറെക്കുറെ ഉറപ്പായികഴിഞ്ഞു. സ്വര്ണ്ണത്തിനു നിയന്ത്രണം ഏര്പ്പെടുത്തിയ മണിക്കൂറു മുതല് സ്വര്ണ്ണമാര്ക്കറ്റില് വന് പരിഭ്രാന്തിയാണ് പടരുന്നത്. സ്വര്ണ്ണക്കട ഉടമകള് കളളപ്പണമുപയോഗിച്ച് വന്തോതില് സ്വര്ണ്ണം വാങ്ങിക്കൂട്ടിയതായാണ് മാര്ക്കറ്റില് നിന്നുളള റിപ്പോര്ട്ടുകള്.
വിവാഹവസരങ്ങളില് എടുക്കുന്ന ഫോട്ടോകള് സോഷ്യല് മീഡിയയില് നിന്നുമെടുത്ത് കൂടുതല് അന്വേഷണങ്ങള്ക്കും വിവരശേഖരണത്തിനും സെന്ട്രല് എക്സൈസ് ഇന്റലിജന്സ് ശ്രമിക്കാനിടയുണ്ട്. കളളപ്പണത്തിന്റെ കണക്കുകള് വെളിച്ചത്തുകൊണ്ടുവരുന്നതിന്റെ ഭാഗമായാണ് സര്വീസില് നിന്നും പെന്ഷനായ 60000 ത്തോളം ആദായ നികുതി ജീവനക്കാരെ കോണ്ട്രാക്ട് അടിസ്ഥാനത്തില് തിരിച്ചെടുക്കാന് കേന്ദ്രഗവണ്മെന്റെ ആലോചിക്കണത്.
സ്വര്ണ്ണവിലയില് വന് ഇടിവു വരുമെന്ന് വിദഗ്ധര് പറയുന്നു. ഇതിനിടയില് ഉറവിടം വെളിപ്പെടുത്താത്ത കൈവശമുളള അളവില് കൂടുതലുളള സ്വര്ണ്ണത്തിന് 50 ശതമാനം നികുതിയടച്ച് വെളുപ്പിക്കാനും അവസരം നല്കിയേക്കും. ഇന്ത്യയിലെ സ്വര്ണ്ണവ്യാപാരത്തിന്റെ നട്ടെല്ലുതകര്ക്കുന്ന തീരുമാനമാണുണ്ടായിരിക്കുന്നത്. സുരക്ഷിത നിക്ഷേപമായി കരുതിയിരുന്ന സ്വര്ണ്ണവും ജനത്തിന് ബാധ്യതയാവുകയാണ്.
https://www.facebook.com/Malayalivartha
