ബെംഗളൂരുവില്‍ രണ്ട് ഉന്നതഉദ്യോഗസ്ഥരുടെ വീട്ടില്‍ നിന്ന് ആദായനികുതി വകുപ്പ് നടത്തിയ റെയ്ഡില്‍ അഞ്ച് കോടി രൂപ കണ്ടെത്തി. ഇതില്‍ നാലുകോടി പുതിയ 2000 രൂപയുടെ നോട്ടുകളാണ്. ബാക്കി അഞ്ഞൂറിന്റെയും നൂറിന്റെയും നോട്ടുകളായി സൂക്ഷിച്ച നിലയിലായിരുന്നു.

പണത്തിന് പുറമെ 11 കിലോയുടെ സ്വര്‍ണവും കണ്ടെത്തിയിട്ടുണ്ട്. ഇവരില്‍ നിന്ന് സ്വര്‍ണബിസ്‌ക്കറ്റുകളും പിടിച്ചെടുത്തിട്ടുണ്ട്. സ്വര്‍ണത്തിന്റെയും പണത്തിന്റെയും ഉറവിടം അന്വേഷിച്ച് വരികയാണ്.