അമ്മയുണ്ടായിരുന്നെങ്കില് ഇത് നടക്കില്ലായിരുന്നു... തന്നെ തോക്കിന്മുനയില് നിര്ത്തിയാണ് സിആര്പിഎഫും മറ്റ് ഏജന്സികളും പരിശോധന നടത്തിയത്; ഇവിടെ ആരും സുരക്ഷിതരല്ല
ആദായനികുതി റെയ്ഡില് തന്നെക്കുടുക്കിയവര്ക്കെ തമിഴ്നാട് മുന് ചീഫ് സെക്രട്ടറി പി. രാമ മോഹന റാവു. ജയലളിത ഉണ്ടായിരുന്നുവെങ്കില് തന്റെ വീട്ടില് കയറാന് സി.ആര്.പി.എഫ് ധൈര്യപ്പെടുമായിരുന്നോ എന്നും റാവു ചോദിക്കുന്നു. പശ്ചിമ ബംഗാള് മുഖ്യമന്ത്രി മമത ബാനര്ജിക്കും കോണ്ഗ്രസ് ഉപാധ്യക്ഷന് രാഹുല് ഗാന്ധിക്കും തന്നെ പിന്തുണച്ച മറ്റുള്ളവര്ക്കും നന്ദി പറഞ്ഞ റാവു എ.ഐ.എ.ഡി.എം.കെയുടെ പുതിയ നേതൃത്വം തന്നെ സഹായിച്ചില്ലെന്ന പരോക്ഷമായ വിമര്ശനവും നടത്തി.
തന്നെ തോക്കിന്മുനിയില് നിര്ത്തിയാണ് സിആര്പിഎഫും മറ്റ് ഏജന്സികളും പരിശോധന നടത്തിയത്. ആഭ്യന്തര സെക്രട്ടറിയുടെ അനുമതിയില്ലാതെയായിരുന്നു പരിശോധന. ഒരു രഹസ്യരേഖയും തന്റെ വീട്ടില് നിന്ന് കണ്ടെടുത്തിട്ടില്ല. കണ്ടെടുത്തത് 1,12,320 രൂപയും കുറച്ച് സ്വര്ണവും മാത്രമാണ്. സ്വര്ണാഭരണങ്ങള് മകളുടേതും ഭാര്യയുടേതുമാണ്. പിടിച്ചെടുത്ത പണവും സ്വര്ണവും കൈമാറും.
തന്റെ ജീവിതം അപകടത്തിലാണ്. തന്നെ ചിലര് ലക്ഷ്യമിട്ടിരിക്കുന്നു. തമിഴ്നാട്ടിലെ ജനങ്ങള് സുരക്ഷിതമല്ലാത്ത അവസ്ഥയിലാണ്. തമിഴ്നാട്ടില് തനിക്ക് നിരവധി സുഹൃത്തുക്കളുണ്ട്. ആരുമായും രഹസ്യ ഇടപാടുകളില്ല. വ്യവസായി ശേഖര് റെഡ്ഡിയുമായി തനിക്ക് ബന്ധമില്ല. സര്ക്കാര് കരാറുകള് റെഡ്ഡിക്ക് ലഭിച്ചത് ടെന്ഡര് വിളിച്ചാണ്.
താന് സിആര്പിഎഫിന്റെ് വീട്ടുതടങ്കലിലാണ്. തന്റെ വീട്ടല് റെയ്ഡ് നടത്താന് സേര്ച് വാറണ്ട് ഉണ്ടായിരുന്നില്ല. മകന്റെ പേരിലാണ് സേര്ച് വാറണ്ട്. സിആര്പിഎഫ് തന്റെ വീട്ടില് ഭീകരാന്തരീക്ഷണം സൃഷ്ടിച്ചു. ഇത്തരത്തില് നടത്തിയ പരിശോധന ഭരണഘടനാ ലംഘനമാണ്. സംസ്ഥാന സര്ക്കാരിന്റെ അധികാരത്തിനു മേല് കേന്ദ്രസര്ക്കാര് കടന്നുകയറുകയാണ്.
തന്നെ ചീഫ് സെക്രട്ടറി സ്ഥാനത്ത് നിന്ന് നീക്കിയിട്ടില്ല. ജയലളിതയാണ് തന്നെ ചീഫ് സെക്രട്ടറിയായി നിയമിച്ചത്. ആ ഉത്തരവ് ഇപ്പോഴും നിലനില്ക്കുന്നു. അതുകൊണ്ട് താന് തന്നെതയാണ് ഇപ്പോഴും തമിഴ്നാട് ചീഫ് സെക്രട്ടറിയാണ്. പുതിയ ചീഫ് സെക്രട്ടറിയെ താന് അംഗീകരിക്കുന്നില്ലെന്നും രാമ മോഹന റാവു പറഞ്ഞു.
https://www.facebook.com/Malayalivartha
