എഐഎഡിഎംകെ പ്രവര്ത്തകരുടെ മര്ദ്ദനമേറ്റ ശശികല പുഷ്പയുടെ ഭര്ത്താവ് അറസ്റ്റില്
ജയലളിതയുടെ തോഴി ശശികലക്കെതിരെ രംഗത്തെത്തിയ അണ്ണാ ഡി.എം.കെ വിമത ശശികല പുഷ്പയുടെ ഭര്ത്താവ് അറസ്റ്റില്. കഴിഞ്ഞദിവസം എഐഎഡിഎംകെ പ്രവര്ത്തകരുടെ മര്ദ്ദനമേറ്റ ഇയാളെ വ്യാഴാഴ്ചയാണ് അറസ്റ്റ് ചെയ്തത്. ജനറല് സെക്രട്ടറി സ്ഥാനത്തേക്ക് ശശികല നടരാജനെതിരെ മത്സരിക്കുമെന്ന് പ്രഖ്യാപിച്ച ശശികലപുഷ്പ എം.പിയുടെ നാമനിര്ദേശപത്രികയുമായി ബുധനാഴ്ച റോയപ്പേട്ട അണ്ണാ ഡി.എം.കെ ആസ്ഥാനത്തെത്തിയ ലിംഗേശ്വര് തിലകനെ പ്രവര്ത്തകര് വളഞ്ഞിട്ടു മര്ദ്ദിക്കുകയായിരുന്നു.
ജയലളിതയുടെ പിന്ഗാമിയായി തോഴി ശശികലയുടെ കടന്നുവരവിന് കളമൊരുക്കാന് അണ്ണാ ഡി.എം.കെ എക്സിക്യൂട്ടിവ്ജനറല് കൗണ്സില് യോഗങ്ങള് ചേരാനിരിക്കെയാണ് നാടകീയ നീക്കമുണ്ടായത്.
അനധികൃത സ്വത്ത് സമ്ബാദനക്കേസിലെ രണ്ടാം പ്രതിയായ ശശികല അണ്ണാ ഡി.എം.കെ ജനറല് സെക്രട്ടറിയാകരുതെന്നാണ് ശശികല പുഷ്പയുടെ ആവശ്യം. നിയമപരമായി പുറത്താക്കാത്ത സാഹചര്യത്തില് താനിപ്പോഴും പാര്ട്ടി അംഗമാണെന്നാണ് ശശികല പുഷ്പയുടെ അവകാശം. ഡല്ഹി വിമാനത്താവളത്തില് ഡി.എം.കെ എം.പി തിരുച്ചി ശിവയെ തല്ലിയതിന്റെ പേരില് ജയലളിതയാണ് ശശികല പുഷ്പയെ പുറത്താക്കിയത്.
https://www.facebook.com/Malayalivartha
