എയര് ഇന്ത്യ എക്സ്പ്രസിന് കൊച്ചിയില് ആസ്ഥാനം
കേരളത്തിലെ വിമാനയാത്രക്കാരുടെ ദീര്ഘകാലമായുള്ള സ്വപ്നത്തിന് സാക്ഷാത്ക്കാരമായി എയര് ഇന്ത്യ എക്സ്പ്രസ് കൊച്ചിയില് സ്ഥിരമായി സ്ഥാനമുറപ്പിച്ചു. പ്രത്യേക കമ്പനിയാകുന്നതിന്റെ ഭാഗമായിട്ടാണ് എയര് ഇന്ത്യാ എക്സ്പ്രസ് പ്രവര്ത്തനങ്ങള് പൂര്ണ്ണമായും കൊച്ചിയിലേക്ക് മാറുന്നത് . പുതിയ ചീഫ് എക്സിക്യൂട്ടീവ് ഓഫീസറായി കെ. ശ്യാംസുന്ദറിനെ നിയമിച്ചു.
കേന്ദ്ര വ്യോമയാന മന്ത്രി കെ.സി വേണുഗോപാലിന്റെ ദീര്ഘനാളത്തെ കഠിന പരിശ്രമത്തിന്റെ ഫലമായാണ് എയര്ഇന്ത്യ എക്സ്പ്രസിന്റെ ആസ്ഥാനം മുംബൈയില് നിന്ന് കൊച്ചിയിലേക്ക് കൊണ്ടുവന്നത് . വര്ഷങ്ങളോളമായി അവിടെ സ്ഥിരതാമസമാക്കിയ ഉദ്യോഗസ്ഥരുടെ എതിര്പ്പിനെ അതിജീവിച്ചാണ് ഈ നടപടി. ആസ്ഥാനം മാറ്റല് അട്ടിമറിച്ചവരെ ഒഴിവാക്കി കൊച്ചിയില് പുതിയ നിയമനങ്ങളാണ് നടത്തിയത്.ഹ്യൂമന് റിസോഴ്സസ് , ഫിനാന്സ് വിഭാഗങ്ങള്ക്ക് പുതിയ മേധാവികളെ നിയമിച്ചു. ഇവരുള്പ്പെടെ 15 പേരെ പുതിയതായി നിയമിച്ചു. മൂംബൈയില് ഈ സ്ഥാനം വഹിച്ചിരുന്നവര് അവിടെതന്നെ എയര്ഇന്ത്യയിലേക്കുമാറും.
75 ശതമാനം സര്വീസുകളും ഗള്ഫ് മേഖലയിലാണ് എയര്ഇന്ത്യ നടത്തുന്നത് പുതിയ സര്വീസുകള് ആരംഭിക്കാനുള്ള നടപടികള് ആരംഭിച്ചിട്ടുണ്ട് . വിമാനം റദ്ദാക്കുമ്പോള് ബദല് സംവിധാനം ഒരുക്കാനും എളുപ്പമാണ്. കൂടാതെ ടിക്കറ്റ് റദ്ദാക്കുമ്പോള് തുക തിരികെ ലഭിക്കുന്നതിനും താമസം നേരിടില്ല.
പുതിയ എയര് ഇന്ത്യ കമ്പനിയുടെ പേരാണ് എയര് ഇന്ത്യ ചാര്ട്ടേഴ്സ് ലിമിറ്റഡ് . ഗള്ഫിലേക്ക് സര്വീസ് നടത്തുന്ന വിമാനക്കമ്പനികള് ആസ്ഥാനം കൊച്ചിയിലേക്ക് മാറ്റുന്നതിനുള്ള ആലോചനകള്ക്ക് ഇത് പ്രേരകമാകുമെന്നാണ് തോന്നുന്നത് .
വയലാര് രവി വ്യോമയാന മന്ത്രിയും എം.എ. യൂസഫലി എയര് ഇന്ത്യ ഡയറക്ടറുമായിരുന്ന കാലത്താണ് ഈ മാറ്റത്തെകുറിച്ചുള്ള നടപടി തുടങ്ങിയത്. പക്ഷേ എല എതിര്പ്പുകള് കാരണം നടന്നില്ല. പിന്നീട് കെ.സി.വേണുഗോപാല് ചുമതലയേറ്റശേഷം ശ്രമങ്ങള് വിജയിച്ചു.
എയര് ഇന്ത്യയുടെ എക്സിക്യൂട്ടീവ് ഡയറക്ടറാണ് തമിഴ്നാട് സ്വദേശിയായ കെ. ശ്യാംസുന്ദര് . ഇപ്പോള് കൊച്ചി ദര്ബാര് ഹാള് റോഡിലുളള ആസ്ഥാനമന്ദിരത്തിലും നെടുമ്പാശ്ശേരി വിമാനത്താവളത്തിലുമായി നൂറോളം ജീവനക്കാര് ജോലി ചെയ്തു വരുന്നു.
https://www.facebook.com/Malayalivartha
