മുംബൈയില്‍ 14 വയസുകാരിയെ ലൈംഗികമായി പീഡിപ്പിച്ചുകൊന്നു. ജര്‍മന്‍, കനേഡിയന്‍ പൗരത്വമുള്ള വനിതകള്‍ ലൈംഗിക ഉപദ്രവത്തിനിരയായെന്ന റിപ്പോര്‍ട്ടും പുറത്തുവന്നതും രാജ്യത്തിന് അപമാനമായി. ബംഗളുരു മാനഭംഗക്കേസിനു പിന്നാലെയാണു പീഡനം സംബന്ധിച്ച കേസുകള്‍ പുറത്തുവന്നത്. 

മഹാരാഷ്ട്രയിലെ സന്‍ഗ്ലി ജില്ലയിലാണു 14 വയസുകാരി ലൈംഗിക പീഡനത്തിനിരയായി മരിച്ചത്. കുട്ടിയുടെ മൃതദേഹം വെള്ളിയാഴ്ചയാണു കണ്ടെത്തിയത്. സംഭവവുമായി ബന്ധപ്പെട്ട് നാലു പേതെ മഹാരാഷ്ട്ര പോലീസ് അറസ്റ്റ് ചെയ്തു. അമ്മയുമായി പിണങ്ങി വ്യാഴാഴ്ചയാണു പെണ്‍കുട്ടി വീട്ടില്‍നിന്ന് ഇറങ്ങിപ്പോയത്. പിേറ്റന്ന് പുലര്‍ച്ചെയാണു മൃതദേഹം കണ്ടെത്തിയത്. കനേഡിയന്‍ വനിത ഒരു മാസം മുന്പും ജര്‍മന്‍ വനിത നവംബറിലുമാണു ഉപദ്രവത്തിനിരയായത്.

കഴിഞ്ഞ ദിവസങ്ങളിലാണു ഇവര്‍ പരാതി നല്‍കിയത്. കനേഡിയന്‍ വനിത ഋഷികേശിലെ ഒരു പാര്‍ക്കിങ് സ്ഥലത്തുവച്ചാണു മാനഭംഗത്തിനിരയായത്. ഡിസംബര്‍ 14 ലാണു സംഭവം. യാത്രയ്ക്കിടെ പരിചയപ്പെട്ട രാഹുലാണു പീഡിപ്പിച്ചതെന്നു പരാതിയിലുണ്ട്. ജന്മനാട്ടില്‍ മടങ്ങിയെത്തിയശേഷം ഇന്റര്‍നെറ്റിലൂടെയാണ് ഇവര്‍ പരാതി നല്‍കിയതെന്ന് ഉത്താരാഖണ്ഡ് ഡി.ജി.പി: എം.എ. ഗണപതി അറിയിച്ചു. 

ദക്ഷിണ ഡല്‍ഹിയില്‍ കഴിഞ്ഞ നവംബറിലാണു പീഡന ശ്രമമുണ്ടായതെന്നു ജര്‍മന്‍ വനിതയുടെ പരാതിയിലുണ്ട്. ഗവേഷണത്തിനാണ് അവര്‍ ഇന്ത്യയിലെത്തിയത്. ഇന്ത്യയില്‍ താമസ സൗകര്യമൊരുക്കിയ വ്യക്തിയാണു മാനഭംഗപ്പെടുത്താന്‍ ശ്രമിച്ചതെന്നു ഡല്‍ഹി പോലീസിനു നല്‍കിയ പരാതിയിലുണ്ട്. ജര്‍മനിയില്‍ മടങ്ങിയെത്തിയശേഷമാണ് ഇവര്‍ ഡല്‍ഹി വനിതാ കമ്മിഷനു പരാതി നല്‍കിയത്. വീട്ടുടമയെ ഭയന്നാണ് ഇന്ത്യയിലായിരുന്നപ്പോള്‍ പരാതി നല്‍കാതിരുന്നതെന്ന് അവര്‍ പറഞ്ഞു.