നാളെ മുതല് ക്രെഡിറ്റ്, ഡെബിറ്റ് കാര്ഡുകള് പെട്രോള് പമ്പുകളില് സ്വീകരിക്കില്ല
രാജ്യത്തെ പെട്രോള് പമ്ബുകളില് നാളെ മുതല് ഡെബിറ്റ്/ക്രെഡിറ്റ് കാര്ഡുകള് സ്വീകരിക്കില്ല. കാര്ഡ് ഇടപാടുകള്ക്ക് 1 ശതമാനം ട്രാന്സാക്ഷന് ഫീസ് ഏര്പ്പെടുത്താനുള്ള ബാങ്കുകളുടെ നീക്കത്തില് പ്രതിഷേധിച്ചാണ് കാര്ഡുകള് സ്വീകരിക്കേണ്ടന്ന തീരുമാനം. കാര്ഡ് ഇടപാടുകളുടെ ട്രാന്സാക്ഷന് ഫീസ് പമ്ബുടമകളില് നിന്ന് ഈടാക്കാനാണ് ബാങ്കുകളുടെ തീരുമാനം.
കറന്സി രഹിത ഇടപാടുകള് പ്രോത്സാഹിപ്പക്കുന്നതിന് കേന്ദ്രസര്ക്കാര് നടപടി സ്വീകരിക്കുന്നതിനിടെയാണ് കാര്ഡ് സ്വീകരിക്കേണ്ടന്ന് പെട്രോള് പമ്ബ് ഉടമകള് തീരുമാനിച്ചിരിക്കുന്നത്. കറന്സി രഹിത ഇടപാട് പ്രോത്സാഹിപ്പിക്കുന്നതിന് കാര്ഡ് ഉപയോഗിച്ച് അടിക്കുന്ന പെട്രോളിന് 0.75 ശതമാനം വിലക്കുറവ് കേന്ദ്രം പ്രഖ്യാപിച്ചിരുന്നു.
എന്നാല് എടിഎം ഉപയോഗത്തിനും കാര്ഡ് ഇടപാടുകള്ക്കും ഓണ്ലൈന് മണി ട്രാന്സഫറിങ്ങിനും ബാങ്കുകള് ചാര്ജ് ഈടാക്കുന്നതില് ജനരോഷം ഉയരുന്നുണ്ട്. നോട്ട് ക്ഷാമത്തിന്റെ പശ്ചാത്തലത്തില് കാര്ഡ് സ്വീകരിക്കില്ലെന്ന പമ്ബുടമകളുടെ തീരുമാനം ഉപഭോക്താക്കള്ക്കും തിരിച്ചടിയാകും.. എണ്ണ വ്യാപാര കമ്ബനികളാണ് പമ്ബുടമകളുടെ ലാഭവിഹിതം നിശ്ചയിക്കുന്നത്. ഒരു ശതമാനം ട്രാന്സാക്ഷന് ഫീസ് ഏര്പ്പെടുത്തിയാല് പമ്ബുടമകള്ക്ക് ലാഭവിഹിതത്തില് വന് നഷ്ടം സംഭവിക്കുമെന്ന് പമ്ബുടമകള് പറയുന്നു.
രാജ്യത്തെ എല്ലാ പെട്രോളിയം ഡീലര്മാരും ചേര്ന്നാണ് ഇക്കാര്യത്തില് തീരുമാനം എടുത്തതെന്ന് പെട്രോളിയം ഡീലേഴ്സ് പ്രതിനിധി രവീന്ദ്രനാഥ് പറഞ്ഞു. തീരുമാനത്തില് നിന്ന് പിന്നോട്ടില്ലെന്നും രവീന്ദ്രനാഥ് കൂട്ടിച്ചേര്ത്തു. അതേസമയം എടിഎം, കാര്ഡ് ഇടപാടുകള്ക്ക് ബാങ്കുകള് ചാര്ജ് ഈടാക്കുന്നതിനെതിരേ വ്യാപകപ്രതിഷേധമാണ് ഉയര്ന്നുവന്നത്. പുതുവര്ഷം മുതല് ഇത്രയും ദിവസമായിട്ടും ഇതിലൊരു നടപടിയെടുക്കാന് കേന്ദ്രസര്ക്കാര് തയാറാകാത്തതില് വിവിധ സംഘടനകള് പ്രതിഷേധം ആരംഭിക്കാന് ഒരുങ്ങുകയാണ്.
https://www.facebook.com/Malayalivartha
