എം.ജി.ആര്. ജന്മദിനത്തോടനുബന്ധിച്ച് 17ന് തമിഴ്നാട്ടില് പൊതുഅവധി
മുന് മുഖ്യമന്ത്രിയും എ.ഐ.എ.ഡി.എം.കെ. സ്ഥാപകനുമായ എം.ജി. രാമചന്ദ്രന്റെ നൂറാം ജന്മദിനമായ ഈമാസം 17 ന് തമിഴ്നാട്ടില് പൊതുഅവധിയായി സംസ്ഥാന സര്ക്കാര് പ്രഖ്യാപിച്ചു. സര്ക്കാര് ഓഫീസുകള്, വിദ്യാഭ്യാസ സ്ഥാപനങ്ങള്, കോര്പ്പറേഷനുകള്, തദ്ദേശഭരണസഹകരണ സ്ഥാപനങ്ങള് ഉള്പ്പെടെയുള്ളവയ്ക്ക് അവധി ബാധകമായിരിക്കും.
നെഗോഷ്യബിള് ഇന്സ്ട്രുമെന്റ്സ് ആക്ട് പ്രകാരമാണ് അവധി പ്രഖ്യാപിച്ചിരിക്കുന്നത്.
എം.ജി.ആര് എന്നപേരില് പ്രശസ്തനായ മരത്തൂര് ഗോപാല രാമചന്ദ്രന് (ജനുവരി 17, 1917-ഡിസംബര് 24, 1987ധ1പ), (പുരൈട്ചി തലൈവര് (വിപ്ലവ നായകന്) എന്നും അറിയപ്പെട്ടു. തമിഴ് സിനിമയിലെ പ്രമുഖ നടന്മാരില് ഒരാളും 1977 മുതല് തന്റെ മരണം വരെ തമിഴ്നാടിന്റെ മുഖ്യമന്ത്രിയുമായിരുന്നു. 1988ലെ ഭാരത രത്നം ലഭിച്ചത് അദ്ദേഹത്തിനായിരുന്നു.
ശ്രീലങ്കയിലെ കാന്ഡിയ്ക്ക് അടുത്തുള്ള നാവലപിതിയ എന്ന സ്ഥലത്ത് മരത്തുര് ഗോപാലമേനോന്റെയും സത്യഭാമയുടെയും മകനായി എം.ജി.ആര് ജനിച്ചു. പാലക്കാടിനടുത്ത് വടവന്നൂരുള്ള ഒരു നായര് കുടുംബത്തില് നിന്നായിരുന്നു എം.ജി.ആര്. എം.ജി.ആറിന്റെ മുത്തച്ഛന് ശ്രീലങ്കയിലേക്ക് താമസം മാറുകയായിരുന്നു. പിതാവിന്റെ മരണശേഷം കുടുംബത്തിലെ ദാരിദ്ര്യം കാരണം എം.ജി.ആറിനു തുടര്ന്ന് പഠിക്കാന് ആയില്ല. ഒറിജിനല് ബോയ്സ് എന്ന നാടകസംഘത്തില് എം.ജി.ആര് ചേര്ന്നു. ഇത് പില്ക്കാലത്തെ അഭിനയജീവിതത്തിനു എം.ജി.ആറിനെ സഹായിച്ചു.
1936ല് 'സതി ലീലാവതി' എന്ന ചിത്രത്തിലൂടെയായിരുന്നു എം.ജി.ആര് വെള്ളിത്തിരയില് കടന്നു വന്നത്. അമേരിക്കയില് ജനിച്ച ചലച്ചിത്രസംവിധായകനായിരുന്ന എല്ലിസ് ആര്. ഡങ്കന് ആയിരുന്നു ഈ ചിത്രത്തിന്റെ സംവിധായകന്.ധ5പ. 1947ല് 'രാജകുമാരി' എന്ന ചിത്രം പുറത്തിറങ്ങുന്നതു വരെ എം.ജി.ആറിനു വലിയ ജനപ്രീതി ലഭിച്ചിരുന്നില്ല. 'രാജകുമാരി' എന്ന ചിത്രം ഇന്ത്യന് സിനിമാചരിത്രത്തിലെ തന്നെ വലിയ വിജയങ്ങളില് ഒന്നായി. കരുണാനിധി ആയിരുന്നു ഈ ചിത്രത്തിനു തിരക്കഥ എഴുതിയത്. രാജകുമാരിയിലെ നായകവേഷം എം.ജി.ആറിനെ കോളിവുഡിലെ ഏറ്റവും പ്രധാന നായകരില് ഒരാളാക്കി. പാവങ്ങളുടെ രക്ഷകനായി അഭിനയിച്ച പല കഥാപാത്രങ്ങളിലൂടെയും എം.ജി.ആര് താരപദവിയിലേക്ക് ഉയര്ന്നു. ദ്രാവിഡ മുന്നേറ്റത്തിന്റെ ജിഹ്വകളായിരുന്നു എം.ജി.ആറിന്റെ സിനിമകളില് പലതും.
അടുത്ത ഇരുപത്തിയഞ്ചു വര്ഷക്കാലം തമിഴ് ചലച്ചിത്രരംഗത്തെ ഏറ്റവും പ്രധാന നായകനും തമിഴ്നാട്ടില് ഏറ്റവും ആരാധിക്കപ്പെടുന്ന വ്യക്തിയും ആയി എം.ജി.ആര്. 'മധുരൈ വീരന്' തുടങ്ങിയ ചിത്രങ്ങളിലൂടെ എം.ജി.ആര് തമിഴരുടെ നായകനായി. തമിഴ് സിനിമാനടനായ എം.ആര്. രാധ എം.ജി.ആറിനെ വെടിവെച്ചതില് പിന്നെ വ്യക്തമായി സംസാരിക്കാനുള്ള കഴിവ് എം.ജി.ആറിനു നഷ്ടപ്പെട്ടു. എന്നാല് ഇത് അദ്ദേഹത്തിന്റെ താരമൂല്യം കുറച്ചില്ല. ഒന്നിനു പുറമേ മറ്റൊന്നായി വന്ന ചലച്ചിത്രവിജയങ്ങള് എം.ജി.ആറിനു രാഷ്ട്രീയത്തിലേക്കുള്ള വഴിയൊരുക്കി. 'റിക്ഷാക്കാരന്' എന്ന ചിത്രത്തിലെ അഭിനയത്തിനു എം.ജി.ആറിനു മികച്ച നടനുള്ള ദേശീയപുരസ്കാരം ലഭിച്ചു.
https://www.facebook.com/Malayalivartha
