മുഖ്യ സാമ്പത്തിക ഉപദേഷ്ടാവായി അരവിന്ദ് സുബ്രഹ്മണ്യന് തുടരും
പ്രധാനമന്ത്രി നരേന്ദ്ര മോഡിയുടെ നേതൃത്വത്തിലുള്ള സര്ക്കാരിന്റെ മുഖ്യസാമ്പത്തിക ഉപദേഷ്ടാവായി അരവിന്ദ് സുബ്രഹ്മണ്യന് തുടരും. 2018 ഒക്ടോബര് വരെ അദ്ദേഹത്തിന് സേവന കാലാവധി നീട്ടി നല്കിയതായി കേന്ദ്ര ധനമന്ത്രി അരുണ് ജെയ്റ്റ്ലി പറഞ്ഞു.
2014 ഒക്ടോബറിലായിരുന്നു അരവിന്ദ് സുബ്രഹ്മണ്യനെ മുഖ്യസാമ്പത്തിക ഉപദേഷ്ടവായി നിയമിച്ചത്. ധനമന്ത്രി അരുണ് ജയ്റ്റ്ലിയുടെ ശുപാര്ശ പ്രകാരമായിരുന്നു, യു.എസില് ജോലി ചെയ്തിരുന്ന അരവിന്ദ് സുബ്രഹ്മണ്യനെ ഡല്ഹിയിലേക്ക് കൊണ്ടുവന്നത്.
യു.എസില് പീറ്റേഴ്സണ് അന്താരാഷ്ട്ര സാമ്പത്തിക ഇന്സ്റ്റിറ്റിയൂട്ടിലെയും ഗ്ളോബല് ഡെവലപ്മെന്റ് സെന്ററിലെയും സീനിയര് ഫെലോ ആയിരുന്നു അദ്ദേഹം. സാമ്പത്തിക വളര്ച്ച, അന്താരാഷ്ട്ര വ്യാപാരം, ബൗദ്ധിക സ്വത്തവകാശം തുടങ്ങിയ മേഖലകളില് വിദഗ്ദ്ധനാണ് അരവിന്ദ്.
അരവിന്ദിന് മുന്പ് റിസര്വ് ബാങ്ക് ഗവര്ണറായിരുന്ന രഘുറാം രാജനാണ് ഈ പദവി വഹിച്ചിരുന്നത്. രാജന് ആര്.ബി.ഐ ഗവര്ണറായതോടെ സാന്പത്തിക ഉപദേഷ്ടാവിന്റെ പദവി ഒഴിഞ്ഞു കിടക്കുകയായിരുന്നു.
https://www.facebook.com/Malayalivartha
