ഭാര്യയുടെ ശേഖർ എന്ന യുവാവുമായുള്ള അവിഹിതബന്ധം കണ്ടുപിടിച്ച പൂജാരിയായ ലഖൻ പലതവണ ബ​ന്ധം അ​വ​സാ​നി​പ്പി​ക്കാ​ൻ ഭാ​ര്യ​യോ​ട് ആ​വ​ശ്യ​പ്പെട്ടു. എന്നാൽ ഇരുവരും അത് കേട്ടതായി ഭാവിച്ചതേയില്ല. ഒടുവിൽ പൂജാരി ഭാര്യയെക്കൊണ്ടുതന്നെ ശേഖറിനെ ഡൽഹിയിൽ വിളിച്ചുവരുത്തി.

ഇ​യാ​ളെ ക്ഷേ​ത്ര​ത്തി​ലെ സ്റ്റോ​ർ റൂ​മി​ൽ എ​ത്തി​ച്ചശേഷം പൂജാരി ഉറക്കഗുളിക നൽകി. അ​ബോ​ധാ​വ​സ്ഥ​യി​ലാ​യ ശേ​ഖ​റി​നെ ഭാ​ര്യയും ഭ​ർ​ത്താ​വും ചേ​ർ​ന്ന് ത​ല​യ്ക്ക​ടി​ച്ച് കൊ​ല​പ്പെ​ടു​ത്തി​യ ശേ​ഷം മൃ​ത​ദേ​ഹം ക​ത്തി​ക്കു​ക​യും ചെ​യ്തു. ഇതിനുശേഷം സ്റ്റോ​റൂ​മി​ൽ ഒ​രാ​ൾ‌ കു​ടു​ങ്ങി​യ​താ​യി ആ​രോ​പി​ച്ച് ല​ഖ​ൻ ത​ന്നെ പോ​ലീ​സി​നെ വി​വ​രം അ​റി​യി​ക്കുകയായിരുന്നു. പോ​ലീ​സ് മു​റി​തു​റ​ന്ന് പ​രി​ശോ​ധി​ച്ച​പ്പോ​ൾ‌ അ​ഴു​കി​ത്തു​ട​ങ്ങി​യ നി​ല​യി​ലാ​യി​രു​ന്നു ക​ത്തി​ക്ക​രി​ഞ്ഞ മൃ​ത​ദേ​ഹം ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ൽ ദു​ർ​ഗ​ന്ധം​വ​മി​ച്ചു തു​ട​ങ്ങി​യി​രു​ന്നു. ക്ഷേ​ത്ര​ത്തി​ലെ മു​റി​ക്കു​ള്ളി​ൽ അ​തി​ക്ര​മി​ച്ചു ക​യ​റി​യ​തി​നു​ള്ള തെ​ളി​വൊ​ന്നും ക​ണ്ടെ​ത്താ​നാ​വാ​തെ പോ​ലീ​സ് പൂ​ജാ​രി​യെ ചോ​ദ്യം ചെ​യ്ത​തോ​ടെ​യാ​ണ് കൊ​ല​പാ​ത​ക​ത്തി​ന്‍റെ പിന്നിൽ പൂജാരിയാണെന്ന സത്യം പുറത്തുവന്നത്.

സംഭവത്തിൽ ക്ഷേ​ത്ര​പൂ​ജാ​രി​യെയും ഭാ​ര്യ​യെയും പോലീസ് അറസ്റ്റ് ചെയ്തു. ഷ​ഹ​ദാ​ര‍​യി​ൽ ഗാ​ന്ധി​ന​ഗ​റി​ലാ​യി​രു​ന്നു സം​ഭ​വം. മ​ധു​ര സ്വ​ദേ​ശി ച​ന്ദ്ര​ശേ​ഖ​ർ (35) എ​ന്ന യു​വാ​വാ​ണ് കൊ​ല്ല​പ്പെ​ട്ട​ത്.