കേരളവും ബംഗാളും ജിഹാദികളുടെ കേന്ദ്രങ്ങളെന്ന് ആര്എസ്എസ് അധ്യക്ഷന് മോഹന് ഭാഗവത്
കേരളവും ബംഗാളും ജിഹാദികളുടെ കേന്ദ്രങ്ങളാണെന്ന് ആര്എസ്എസ് അധ്യക്ഷന് മോഹന് ഭാഗവത്. നാഗ്പൂരില് വിജയദശമി ദിന പ്രസംഗത്തിലാണ് ഭാഗവത് കേരള, ബംഗാള് സര്ക്കാരുകള്ക്കെതിരെ ആരോപണമുന്നയിച്ചത്. ഗോരക്ഷയുടെ പേരില് നിരവധി മുസ്ലിംകള്ക്കു ജീവന് നഷ്ടപ്പെട്ടതായും ഇത് അപലപനീയമാണെന്നും ഭാഗവത് പറഞ്ഞു. ബംഗാളിലെയും കേരളത്തിലെയും സ്ഥിതി നമുക്കറിയാം. ജിഹാദി ശക്തികള് ഈ സംസ്ഥാനങ്ങളില് പ്രബലമാണ്. ഇതിനെതിരേ സര്ക്കാരുകള് നടപടിയെടുക്കുന്നില്ല.
രോഹിംഗ്യകള്ക്ക് ഇന്ത്യയില് ഇടം നല്കേണ്ടതില്ല. ബംഗ്ലാദേശികളുടെ നുഴഞ്ഞുകയറ്റത്തിന്റെ പ്രശ്നങ്ങള് നിലനില്ക്കുമ്പോള് തന്നെയാണ് രോഹിംഗ്യകളുടെ പ്രശ്നവും ഉയര്ന്നുവരുന്നത്. ദേശീയ സുരക്ഷകൂടി കണക്കിലെടുത്തു മാത്രമേ രോഹിംഗ്യകളുടെ കാര്യത്തില് തീരുമാമെടുക്കാവൂ മോഹന് ഭാഗവത് പറഞ്ഞു.
പശുസംരക്ഷണം ഭരണഘടനയില് ഉറപ്പുനല്കുന്നുണ്ട്. പശുവിനെ പോറ്റുന്നത് മതത്തിന്റെ കാര്യമല്ല. നിരവധി മുസ്ലിംകളും പശു വളര്ത്തലില് ഏര്പ്പെട്ടിട്ടുണ്ട്. എന്നാല് ഗോരക്ഷയുടെ പേരില് നിരവധി മുസ്ലിംകള്ക്കു ജീവന് നഷ്ടപ്പെട്ടു. ഗോരക്ഷകരുടെ കൈകളാല് ആരും കൊല്ലപ്പെടുന്നത് നല്ലതല്ല. ഏതു തരത്തിലുള്ള അക്രമങ്ങളും അപലപനീയമാണ് ഭാഗവത് കൂട്ടിച്ചേര്ത്തു.
ഇന്ത്യയുടെ സാമ്പത്തിക നില ഇപ്പോള് പരുങ്ങലിലാണെന്നും ഇത് ഉടന് അഭിവൃദ്ധിപ്പെടുമെന്നാണ് കരുതുന്നതെന്നും ആര്എസ്എസ് അധ്യക്ഷന് പറഞ്ഞു.
https://www.facebook.com/Malayalivartha
