വെറും പൂജ്യത്തില്‍ നിന്നും ഉയര്‍ന്ന ചക്കര ജോണി എന്ന കൊടുംക്രിമിനലിന് പിന്നില്‍ ചില രാഷ്ട്രീയ നേതാക്കളും ചില രാഷ്ട്രീയ പാര്‍ട്ടികളും ഉണ്ടെന്നാണ് വ്യക്തമാകുന്നത് . ജോണി ചില രാഷ്ട്ീയ നേതാക്കളുടെ ബിനാമിയാണെന്ന് സംശയം ഉയരുന്നുണ്ട്. ചില രാഷ്ട്രീയ നേതാക്കന്മാര്‍ വഴിയാണ് ജോണി ഇത്രയും ഉന്നതിയിലെത്തിയത്. 
തൃശൂരിലെയും കൊച്ചിയിലെയും രാഷ്്രടീയക്കാരുടെ സുഹൃത്തായ ജോണി കള്ളപ്പണം വെളുപ്പിക്കുന്നതിനു വമ്പന്‍ സ്രാവുകളെ സഹായിച്ചെന്നും പോലീസ് സംശയിക്കുന്നു. ജോണിക്ക് ഗുണ്ടാസംഘങ്ങളുമായും ഉറ്റ ബന്ധമുണ്ട്. 
ഒന്നുമില്ലായ്മയില്‍നിന്നായിരുന്നു കോടികള്‍ ഉണ്ടാക്കി.അച്ഛന് അങ്കമാലി മാര്‍ക്കറ്റില്‍ കരിപ്പെട്ടി ശര്‍ക്കരയുടെ വില്‍പ്പനയുണ്ടായിരുന്നതിനാലാണ് ജോണിക്കു 'ചക്കര ജോണി' എന്ന വിളിപ്പേരു വന്നത്. ഇഷ്ടികക്കളത്തിലെ ചെളികുത്തുകാരനായി ജോലി ചെയ്ത ജോണി പിന്നീട് അങ്കമാലി റെയില്‍വേ സ്‌റ്റേഷനിലെ ചുമട്ടുകാരനുമായി. 
അപ്പോഴാണ് നെടുമ്പാശേരിയില്‍ വിമാനത്താവളം എത്തിയത്. ഇതോടെ പ്രദേശത്തെ ഭൂമി വില കുത്തനെ ഉയര്‍ന്നു.നെടുമ്പാശേരിയില്‍ വിമാനത്താവളം വരുന്നെന്നു കേട്ടപ്പോഴേ സമീപവാസിയായ ജോണിയിലെ കച്ചവടക്കാരന്‍ ഉണര്‍ന്നു. മേഖലയിലെ വമ്പന്മാരെ പറഞ്ഞുവിശ്വസിപ്പിച്ച് സമീപപ്രദേശങ്ങളിലെ ഭൂമി ഓരോന്നായി കരാറാക്കിയത് ജോണിയാണെന്നാണു വിവരം. ഈ ഇടപാടുകള്‍ക്ക് പിന്നില്‍ നടന്ന കള്ളക്കളികളിലൂടെ കോടികളാണു ജോണി സ്വന്തമാക്കിയത്. 
റിയല്‍ എസ്‌റ്റേറ്റ് ബിസിനസിന്റെ സാധ്യത മനസിലാക്കി ബ്രോക്കര്‍ രംഗത്തേക്ക് ഇറങ്ങിയ ജോണിക്ക് തിരിഞ്ഞുനോക്കേണ്ടിവന്നില്ല. അറിയപ്പെടുന്ന റിയല്‍ എസ്‌റ്റേറ്റ് കച്ചവടക്കാരനായി മാറിയ ജോണി ഗുണ്ടാസംഘങ്ങളുമായും ബന്ധമുണ്ടാക്കി. വസ്തു ഇടപാടുകളില്‍ കള്ളപ്പണം വെളുപ്പിക്കാന്‍ ബിനാമിയാതോടെ വമ്പന്‍സ്രാവുകളുടെ വിശ്വസ്തനായി ജോണി മാറുകയായിരുന്നു.