ഉ​യ​ർ​ന്ന ജാ​തി​ക്കാ​രാ​യി ക​രു​തു​ന്ന ദ​ർ​ബാ​റു​കൾ മീ​ശ വ​ച്ച​തി​ന്‍റെ പേ​രി​ൽ ദ​ളി​ത് കൗ​മാ​ര​ക്കാ​രനെ കുത്തി. ചൊ​വ്വാ​ഴ്ച വൈ​കി​ട്ട് ഗുജറാത്തിലെ ഗാ​ന്ധി​ന​ഗ​റി​ലാ​ണു സംഭവം. ദി​വ​സ​ങ്ങ​ൾ​ക്കു മുമ്പ് ഇ​വി​ടെ മ​റ്റു ര​ണ്ടു ദ​ളി​തു​ക​ളും മീ​ശ വ​ച്ച​തി​ന് ആ​ക്ര​മി​ക്ക​പ്പെ​ട്ടതിനുപിന്നാലെയാണ് വീണ്ടും മീശ വച്ചതിന്റെ പേരിൽ ദളിതൻ ആക്രമിക്കപ്പെടുന്നത്. ഗാ​ന്ധി​ന​ഗ​ർ ജി​ല്ല​യി​ലെ ലിം​ബോ​ദ​ര ഗ്രാ​മ​ത്തി​ൽ സെ​പ്റ്റം​ബ​ർ 25, 29 തീ​യ​തി​ക​ളി​ലാ​യാ​ണു സം​ഭ​വ​മു​ണ്ടാ​യ​ത്. കൃ​നാ​ൽ മ​ഹേ​രി​യ(30) എ​ന്ന നി​യ​മ​വി​ദ്യാ​ർ​ഥി​ക്കാ​ണ് സെ​പ്റ്റം​ബ​ർ 29നു ​മ​ർ​ദ​ന​മേ​റ്റ​ത്.

ഭ​ര​ത് സിം​ഗ് വ​ഗേ​ല എ​ന്ന​യാ​ളാ​ണ് മ​ഹേ​രി​യ​യെ മ​ർ​ദി​ച്ച​ത്. വെ​ള്ളി​യാ​ഴ്ച രാ​ത്രി സു​ഹൃ​ത്തി​നെ സ​ന്ദ​ർ​ശി​ക്കാ​നെ​ത്തി​യ ത​ന്നെ വ​ഗേ​ല​യും മ​റ്റു ചി​ല​രും ത​ട​ഞ്ഞു​നി​ർ​ത്തു​ക​യും മീ​ശ​വ​ച്ച​തു​കൊ​ണ്ട് ര​ജ​പു​ത്ര​നാ​കി​ല്ലെ​ന്ന് പ​റ​യു​ക​യും മ​ർ​ദി​ക്കു​ക​യും ചെ​യ്തു​വെ​ന്നു മ​ഹേ​രി​യ പ​റ​ഞ്ഞു. ര​ജ​പു​ത്ര വി​ഭാ​ഗ​ക്കാ​രോ​ടു മ​റു​പ​ടി​യൊ​ന്നും പ​റ​യാ​തെ പോ​യ ത​ന്നെ വ​ഗേ​ല ഇ​ഷ്ടി​ക​കൊ​ണ്ട് ഇ​ടി​ച്ചു​വെ​ന്നു മ​ഹേ​രി​യ​യെ കൂ​ട്ടി​ച്ചേ​ർ​ത്തു. സെ​പ്റ്റം​ബ​ർ 25നു ​ലിം​ബോ​ദ​ര ഗ്രാ​മ​ത്തി​ൽ സ​മാ​ന​സം​ഭ​വ​മു​ണ്ടാ​യി. മീ​ശ വ​ച്ച​തി​ന്‍റെ പേ​രി​ൽ പീ​യൂ​ഷ് പാ​ർ​മ​ർ(24) എ​ന്ന ദ​ളി​ത വി​ഭാ​ഗ​ക്കാ​ര​നെ മേ​ൽ​ജാ​തി​ക്കാ​ർ മ​ർ​ദി​ച്ചു.

ക​ഴി​ഞ്ഞ​ദി​വ​സം ബോ​ർ​സാ​ദി​ൽ ക്ഷേ​ത്ര​ത്തി​ൽ നൃ​ത്തം ക​ണ്ടെ​ന്നാ​രോ​പി​ച്ച് ഉ​യ​ർ​ന്ന ജാ​തി​ക്കാ​ർ ദ​ളി​ത് യു​വാ​വി​നെ മ​ർ​ദി​ച്ചു കൊ​ല​പ്പെ​ടു​ത്തി​യി​രു​ന്നു.