മുംബൈയിലെ മേല്‍പ്പാല ദുരന്തം വരുത്തി വച്ചത് പൂ കച്ചവടക്കാരന്റെ ആ വാക്കുകള്‍
23 പേരുടെ മരണത്തിനിടയാക്കിയ മുംബൈ എല്ഫിന്സ്റ്റണ് മേല്‍പ്പാലം അപകടത്തിനു കാരണം യാത്രക്കാര്‍ക്കിടയിലുണ്ടായ തെറ്റിദ്ധാരണമൂലമെന്നു മൊഴി. പൂക്കള് താഴെ വീണെന്ന് (ഫൂല് ഗിര് ഗയാ) ഒരു പൂക്കച്ചവടക്കാരന്‍ നിലവിളിച്ചത് പാലം താഴെ വീണു(പൂല് ഗിര് ഗയാ) എന്നാണു യാത്രക്കാര് തെറ്റിദ്ധരിച്ചതെന്ന് അപകടത്തില്‍ പരുക്കേറ്റു ചികിത്സയില്‍കഴിയുന്ന വിദ്യാര്ഥിനി അന്വേഷണസംഘത്തിനു മൊഴി നല്‍കി.
പാലം തകര്‍ന്നതായി തെറ്റിദ്ധരിച്ച യാത്രക്കാര് തിക്കിത്തിരക്കിയതോടെയാണു അപകടമുണ്ടായതെന്നാണു റെയില്‍വേ അന്വേഷണസംഘത്തിന്റെ നിഗമനം. ഇതുസംബന്ധിച്ച് അന്വേഷണം നടത്തുമെന്നും വെസ്‌റ്റേണ്‍ റെയില്‍വേ വക്താവ് രവീന്ദ്ര ഭകര്‍ അറിയിച്ചു. കഴിഞ്ഞ 29ന് മുംബൈക്കു സമീപമുള്ള എല്ഫിന്സ്റ്റണ് റെയില്‍വേ സ്‌റ്റേഷനിലെ മേല്‍പ്പാലത്തിലാണു തിക്കിലും തിരക്കിലുംപെട്ട് 23പേര്‍ മരിച്ചത്.
മുപ്പതിലേറെപ്പേര്‍ക്ക് അപകടത്തില്‍ പരുക്കേറ്റു. എല്ഫിന്സ്റ്റണ് സ്‌റ്റേഷനിലെ മേല്‍പ്പാലത്തില്‍ പൂക്കള് ഉള്‍പ്പെടെയുള്ളവ വില്ക്കുന്ന നിരവധി കച്ചവടക്കാരുണ്ട്. പൂക്കച്ചവടക്കാരന്റെ വാക്കുകള്‍ യാത്രക്കാര് തെറ്റിദ്ധരിച്ചതാണ് തിക്കും തിരക്കുമുണ്ടാകാന് കാരണമെന്നു അപകടത്തില്‍ പരുക്കേറ്റ യുവതിയാണു കഴിഞ്ഞദിവസം മൊഴിനല്‍കിയത്.
''ഫൂല് ഗിര് ഗയാ'' എന്നു കച്ചവടക്കാരന് ഉച്ചത്തില്‍ വിളിച്ചുപറഞ്ഞു. എന്നാല്‍ യാത്രക്കാര് കേട്ടത് ''പൂല് ഗിര് ഗയാ'' എന്നാണ്. ഇതോടെ പരിഭ്രാന്തരായ യാത്രക്കാര് മേല്‍പ്പാലത്തില്‌നിന്നു രക്ഷപ്പെടാന്‍ തിക്കിത്തിരക്കിയെന്നും മുംബൈ പരേലിലെ സ്വകാര്യ ആശുപത്രിയില് ചികിത്സയില് കഴിയുന്ന വിദ്യാര്ഥിനി മൊഴി നല്‍കിയതായി രവീന്ദ്ര ഭകര്‍ അറിയിച്ചു. ഇതാണ് അപകടത്തിന്റെ യഥാര്‍ഥ കാരണമെന്ന അന്തിമ നിഗമനത്തിലേക്ക് എത്തിയിട്ടില്ലെന്നും അന്വേഷണം നടക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha
