ക​ലാ​ല​യ രാ​ഷ്ട്രീ​യം നി​രോ​ധി​ച്ചുകൊണ്ടുള്ള ഹൈ​ക്കോ​ട​തി വിധിക്കെതിരെ നി​യ​മ​ന​ട​പ​ടി​ക്കൊരുങ്ങി സം​സ്ഥാ​ന സ​ർ​ക്കാ​ർ. വി​ധി​യു​ടെ നി​യ​മ​വ​ശ​ങ്ങ​ൾ പ​രി​ശോ​ധി​ക്കാ​ൻ സ​ർ​ക്കാ​ർ അ​ഡ്വ​ക്കേ​റ്റ് ജ​ന​റ​ലി​നു നി​ർ​ദേ​ശം ന​ൽ​കി. ഹൈക്കോടതി വിധിക്കെതിരെ വ്യാപകമായ പ്രതിഷേധം ഉയർന്നുവരുന്ന സാഹചര്യത്തിലാണ് സർക്കാർ നടപടി. ഹൈക്കോടതി വിധി ജനാധിപത്യ വിരുദ്ധമാണെന്ന നിലപാടിലാണ് സർക്കാർ.

കുട്ടികൾ കോളേജിൽ പോകുന്നത് രാഷ്ട്രീയം തൊഴിലാക്കാനല്ലെന്നും അക്കാദമിക് അന്തരീക്ഷത്തെ കലാലയ രാഷ്ട്രീയം ബാധിക്കുമെന്നും കോടതി വ്യക്തമാക്കിയിരുന്നു. ഇതിനെതിരെ എല്ലാ രാഷ്ട്രീയ കക്ഷികളും സാംസ്ക്കാരിക നേതാക്കളും രംഗത്ത് വന്നിരുന്നു .ഏറ്റവും ഒടുവിലായി സ്പീക്കർ പി ശ്രീരാമകൃഷ്ണൻ അടക്കമുള്ളവർ ശക്തമായ ഭാഷയിലാണ് കോടതി വിധിയെ വിമർശിച്ചത്.

15 വര്ഷം മുമ്പുള്ള വിധിയാണ് കഴിഞ്ഞ ദിവസങ്ങളിലെ ഉത്തരവിലൂടെ ആവർത്തിക്കുന്നത്. വിദ്യാ​ഭ്യാ​സ സ്ഥാ​പ​ന​ങ്ങ​ളി​ലെ പ​ഠ​നാ​ന്ത​രീ​ക്ഷം ഉ​റ​പ്പു​വ​രു​ത്തേ​ണ്ട​ത് സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്ത​മാ​ണെ​ന്നും കോ​ട​തി നി​ർ​ദേ​ശി​ച്ചിരുന്നു. വിഷയത്തിൽ എല്ലാ രാഷ്ട്രീയ കക്ഷികൾക്കും ഒരേ നിലപാടായതിനാൽ അതും ഗുണകരമാകുമെന്നാണ് വിലയിരുത്തൽ.