ഗുജറാത്ത് തെരഞ്ഞെടുപ്പ് ബിജെപിക്കും കോൺഗ്രസ്സിനും അഭിമാനപോരാട്ടമാണ്. ഗു​ജ​റാ​ത്ത് പിടിച്ചടക്കാൻ വി​ശാ​ല സ​ഖ്യവുമായി രംഗത്തിറങ്ങിയ കോൺഗ്രസ്സ് ഉപാധ്യക്ഷൻ രാഹുൽ ഗാന്ധിയുടെ നീക്കങ്ങളെ തന്ത്രപരമായി നേരിടാനുറച്ച് ബിജെപി ദേശീയ അധ്യക്ഷൻ അമിത് ഷാ. പ​ട്ടേ​ല്‍ സ​മു​ദാ​യ നേ​താ​വ് ഹാർദിക് പ​ട്ടേ​ലി​ന്‍റെ അ​നു​യാ​യി​ക​ളാ​യ വ​രു​ൺ പ​ട്ടേ​ലും രേ​ഷ്മ പ​ട്ടേ​ലും ബി​ജെ​പി​യി​ൽ‌ ചേ​ർ​ന്നു. എന്നാൽ ബിജെപിക്കെതിരെ ശക്തമായ നിലപാട് സ്വീകരിച്ച ഹാർദികിനെ തൃപ്തിപ്പെടുത്താൻ ബിജെപിക്കായില്ല.

ഗു​ജ​റാ​ത്ത് മു​ഖ്യ​മ​ന്ത്രി വി​ജ​യ് രൂ​പാ​നി, ഉ​പ​മു​ഖ്യ​മ​ന്ത്രി നി​തി​ൻ‌ പ​ട്ടേ​ൽ, ബി​ജെ​പി സം​സ്ഥാ​ന അ​ധ്യ​ക്ഷ​ൻ ജി​തു വ​ഘാ​നി എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി​യ ശേ​ഷ​മാ​ണ് വ​രു​ണും രേ​ഷ്മ​യും രാ​ഷ്ട്രീ​യ പ്ര​വേ​ശ​നം പ്ര​ഖ്യാ​പി​ച്ച​ത്. ബി​ജെ​പി​യു​ടെ ഭാ​ഗ​മാ​യ​തി​നു ശേ​ഷം ഹാ​ര്‍​ദി​ക് പ​ട്ടേ​ലി​നെ ഇ​രു​വ​രും വി​മ​ർ​ശി​ക്കു​ക​യും ചെ​യ്തു. ഹാ​ര്‍​ദി​ക് പ​ട്ടേ​ൽ കോ​ൺ​ഗ്ര​സി​ന്‍റെ ഏ​ജ​ന്‍റാ​യി മാ​റി​യെ​ന്നാ​യി​രു​ന്നു ഇ​രുവരുടേയും പ്രസ്താവന.

ഒബിസി നേതാവ് അല്‍പേഷ് താക്കൂര്‍ കോണ്‍ഗ്രസില്‍ ചേരുമെന്ന് ഇന്നലെ തീരുമാനമായിരുന്നു. ബുധനാഴ്ച്ച അഹമ്മദാബാദില്‍ രാഹുല്‍ ഗാന്ധി പങ്കെടുക്കുന്ന സമ്മേളനത്തില്‍ അൽപേഷിന്റെ കോൺ​ഗ്രസിലേക്കുള്ള വരവ് ഔദ്യോഗികമായി പ്രഖ്യാപിക്കും. സംസ്ഥാനത്തെ ഒബിസി, എസ്‌സി-എസ്ടി ഏക മഞ്ചിന്റെ കണ്‍വീനറാണ് താക്കൂര്‍. ജനസംഖ്യയില്‍ 54 ശതമാനം ഒബിസിക്കാരുള്ള ഗുജറാത്തില്‍ അല്‍പേഷിന്റെ പാര്‍ട്ടിയിലേക്കുള്ള വരവ് ശുഭസൂചനയായാണ് കോണ്‍ഗ്രസ് കാണുന്നത്.