ഉത്തരകൊറിയ വീണ്ടും ബാലിസ്​റ്റിക്​ മിസൈല്‍ പരീക്ഷിച്ചു. അന്താരാഷ്​ട്ര ഭീഷണികൾക്ക്​ വഴങ്ങില്ലെന്ന വ്യക്തമായ സൂചനയാണിത്.ഞായറാഴ്​ച പുലര്‍ച്ചെ കുസോങ്ങില്‍ നിന്നാണ്​ കൊറിയ മിസൈല്‍ പരീക്ഷണം നടത്തിയത്​.
എകദേശം 700 കിലോ മീറ്റര്‍ പ്രഹരശേഷിയുള്ള മിസൈലാണ്​ പരീക്ഷിച്ചത്​. മിസൈല്‍ പരീക്ഷണത്തെ ദക്ഷിണകൊറിയയും ജപ്പാനും അപലപിച്ചു. രാജ്യത്തിന്​ സമീപത്തെ കടലില്‍ പതിക്കുന്നതിന്​ മുൻപ് ​ മുപ്പത്​ മിനുട്ട്​​ മിസൈല്‍ സഞ്ചരിച്ചതായും ജപ്പാന്‍ അറിയിച്ചു​.
ലോക രാഷ്ട്രീയത്തിൽ ഇത് നിർണായക സ്വാധീനം ചെലുത്തുമെന്നും ഉറപ്പാണ്. ഉത്തര കൊറിയയുടെ മിസൈൽ പരീക്ഷണം 1962 ലെ ക്യൂബെൻ മിസൈൽ പ്രതിസന്ധിയോടാണ് രാഷ്ട്രീയ നിരീക്ഷകർ ഉപമിക്കുന്നത്.