നാട്ടിലേക്ക് വരാനുള്ള ഒരുക്കത്തിനിടെ വാഹനാപകടം, പ്രവാസി യുവാവിന് ദാരുണാന്ത്യം, മൃതദ്ദേഹം അഹദ് റുഫൈദ ആശുപത്രി മോര്ച്ചറിയില്
നാട്ടിലേക്ക് വരാനുള്ള ഒരുക്കത്തിനിടെ മലയാളി വാഹനാപകടത്തില് മരിച്ചു. ആലപ്പുഴ ക്ഷണപുരം മുണ്ടക്കോട്ട വടക്കേതില് കുമാരന്റെ മകന് രജിത്ത് എന്ന് വിളിക്കുന്ന രാജീവ് (41) ആണ് സൗദി അറേബ്യയില് മരണപ്പെട്ടത്. തെക്കന് പ്രവിശ്യയില് ഖമീസ് മുശൈത്തില് മരിച്ചത്.
രജിത്ത് ഓടിച്ചിരുന്ന ട്രൈലര് അപകടത്തില്പ്പെടുകയായിരുന്നു. സന്ധ്യയാണ് രജിത്തിന്റെ ഭാര്യ. ലോട്ടസ് മകളാണ്.മൃതദ്ദേഹം അഹദ് റുഫൈദ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. മരണാന്തര നടപടിക്രമങ്ങള് പൂര്ത്തീകരിക്കാന് അസീര് പ്രവാസി സംഘം ലഹദ് ഏരിയാ റിലീഫ് കണ്വീനര് മണികണ്ഠന്റെ നേതൃത്വത്തില് പുരോഗമിക്കുകയാണ്.
അതേസമയം, പ്രവാസിയെ സലാലയിലെ പള്ളിയില് വെടിയേറ്റ് മരിച്ച നിലയില് കണ്ടെത്തിയ സംഭവത്തില് നിയമ നടപടികള് പുരോഗമിക്കുന്നു. കോഴിക്കോട് പേരാമ്പ്ര, ചെറുവണ്ണൂര് സ്വദേശി നിട്ടംതറമ്മല് മൊയ്തീനെ (56) കൊലപ്പെട്ടത്.സംഭവുമായി ബന്ധപ്പെട്ട് ഒമാന് പൗരനെ ദോഫാര് ഗവര്ണറേറ്റ് പൊലീസ് കമാന്ഡന്റ് കഴിഞ്ഞ ദിവസം അറസ്റ്റ് ചെയ്തിരുന്നു.
പോസ്റ്റുമോര്ട്ടം നടക്കുന്ന മുറക്കേ മൃതദേഹം വിട്ടു കിട്ടുകയുള്ളൂ. അടുത്ത ദിവസം തന്നെ അതിന് സാധ്യതയുള്ളതായി സാമൂഹ്യ പ്രവര്ത്തകര് പറഞ്ഞു.സലാല സാദയിലെ ഖദീജ മസ്ജിദില് വെള്ളിയാഴ്ച രവിലെ 10 ഓടെയാണ് കൊല നടന്നത്. പള്ളിയില് നമസ്കരിക്കുകയായിരുന്ന മൊയ്തീനെ വലിയ തോക്ക് ഉപയോഗിച്ചാണ് കൊലപ്പെടുത്തിയത്.
കൊലയാളി തോക്ക് പള്ളിയില് തന്നെ ഉപേക്ഷിക്കുകയും ചെയ്തിരുന്നു. മൃതദേഹം സുല്ത്താന് ഖാബൂസ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ഖബറടക്കുന്നതുമായി ബന്ധപ്പെട്ട കാര്യങ്ങള് അന്വേഷണ നടപടികള് പൂര്ത്തിയായ ശേഷമേ തീരുമാനിക്കുകയുള്ളൂവെന്ന് ബന്ധപ്പെട്ടവര് അറിയിച്ചിട്ടുണ്ട്.കഴിഞ്ഞ മുപ്പതു വര്ഷമായി സലാലയില് പ്രവാസിയായിരുന്ന അദ്ദേഹം ഒരു സ്വകാര്യ സ്ഥാപനത്തിലെ ജീവനക്കാരനായിരുന്നു. ഭാര്യ: ആയിശ. മക്കള്: നാസര്, ബുഷ്റ, അഫ്സത്ത്.
https://www.facebook.com/Malayalivartha
