പ്രാങ്ക് വിഡിയോകള്‍ തമാശയ്ക്ക് ചെയ്യുന്നതാണെങ്കിലും ചിലപ്പോള്‍ കളി കാര്യമാകാറുണ്ട്. അത്തരത്തിലൊരു സംഭവമാണ് റെബേക്കയ്ക്കും സംഭവിച്ചത്. തന്റെ കാമുകനെ പറ്റിക്കാന്‍ വ്യാജ രക്തം കൊണ്ടാണ് റെബേക്ക ഇത്തരത്തിലൊരു പ്രാങ്ക് വീഡിയോ ഉണ്ടാക്കാനിറങ്ങിയത്.

ഒറിജിനല്‍ രക്തത്തെ വെല്ലുന്ന തരത്തിലുള്ള പെയിന്റാണ് കൈയ്യില്‍ പുരട്ടാന്‍ ഉപയോഗിച്ചത്. കാമുകന്‍ റോബന്‍ ഫിയാന്‍ഡറെ ഫോണ്‍ വിളിച്ചാണ് റെബേക്ക തന്റെ വീട്ടിലേക്ക് വിളിച്ചുവരുത്തിയത്.തന്റെ കൈകള്‍ മറിഞ്ഞുവെന്നും രക്തം നില്‍ക്കുന്നില്ല എന്നും വളരെ വെപ്രാളത്തോടെ റെബേക്ക പറഞ്ഞു. ഇത് കേട്ട് പരിഭ്രാന്തനായി പെട്ടെന്ന് തന്നെ വീട്ടിലേക്കു ഓടിയെത്ത റോബന്‍ ആ കാഴ്ച കണ്ട് ഞെട്ടി.

ഇരുകൈകളും രക്തത്താല്‍ മുങ്ങി നില്‍ക്കുന്നു. പെട്ടെന്ന് തന്നെ റോബന്‍ ബോധരഹിതനായി വീഴുകയായിരുന്നു. കാമുകന് ബോധം വന്നയുടന്‍ ഇത് നിങ്ങളെ പറ്റിക്കാന്‍ ചെയ്തതാണെന്നും മറ്റൊന്നും സംഭവിച്ചിട്ടില്ലെന്നും റെബേക്ക പറഞ്ഞു മനസ്സിലാക്കി. കാമുകനോട് ക്ഷമാപണവും യുവതി നടത്തി.

വീഡിയോ യൂട്യൂബില്‍ പോസ്റ്റ് ചെയ്ത ശേഷം റെബേക്ക എഴുതിയത് ഇങ്ങനെയാണ്, കാമുകനെ ഞെട്ടിക്കാന്‍ ചെയ്തതാണ്...ഇപ്പോള്‍ ഞെട്ടിയത് ഞാനും!