ഈ കൊതുകെന്താ മൃഗങ്ങളെ ഒന്നും കടിക്കാതെ മനുഷ്യരെ മാത്രം കടിക്കുന്നേ എന്ന് ചിന്തിച്ചിട്ടുണ്ടോ. ഇതാ ശാസ്ത്രലോകം അതിനുളള ഉത്തരവുമായി വന്നിരിക്കുന്നു. നമ്മള്‍ ജ്യൂസു കുടിക്കുന്നത് അതിന്റെ നല്ല രുചി ഓര്‍ത്തല്ലേ അതുപോലെ തന്നെ മനുഷ്യന്റെ മണം കൊതുകിനെ ലഹരിപിടിപ്പിക്കുന്നതാണെന്നാണ് ശാസ്ത്രജഞന്‍മാരുടെ പുതിയ പഠനം. ഗുഹാമനുഷ്യന്റെ മണമുളളതുകൊണ്ടാണത്രേ കൊതുകിന് മനുഷ്യരോട് ഇത്ര പ്രിയം. 

കൊതുകുകള്‍ മറ്റുമൃഗങ്ങളെ അപേക്ഷിച്ച് മനുഷ്യരെ തെരഞ്ഞെടുക്കുന്നതിന്റെ കാരണമെന്തെന്നറിയാന്‍ അ വയുടെ ജീനുകളെ കുറിച്ച് പഠനം നടത്തിയ റോക്ക്‌ഫെല്ലര്‍ യൂണിവേഴ്‌സിറ്റിയിലെ പ്രൊ.ലെസ്ലി വോസ്ഹളിന്റെ നിരീക്ഷണഫലങ്ങള്‍ കൗതുകകരമാണ്. ആയിരക്കണക്കിന് വര്‍ഷങ്ങള്‍ക്കു മുമ്പ തന്നെ മനുഷ്യശരീരത്തിന്റെ ഗന്ധമാണ് കൊതുകുകളെ മൃഗങ്ങളില്‍ നിന്നും മനുഷ്യരിലേയ്ക്ക് ആകര്‍ഷിക്കാന്‍ ഇടയാക്കിയതെന്നാണ് ഗവേഷണഫലം.
കെനിയയിലെ റബായി-യില്‍ കാണപ്പെടുന്ന രണ്ടുതരം കൊതുകുകളിലാണ് പരീക്ഷണങ്ങള്‍ നടത്തിയത്. കൊതുകുകളില്‍ ഗന്ധം തിരിച്ചറിയുന്ന ജീനായ ഒആര്‍ 14 ആണ് മനുഷ്യരിലേയ്ക്ക് അവയെ ആകര്‍ഷിക്കുന്നതെന്നാണ് മനസ്സിലാക്കാന്‍ കഴിഞ്ഞതത്രേ. കൊതുകുകളുടെ പരിണാമദശയെ കുറിച്ച് അിറയാന്‍ ഇതു സഹായിക്കുമെന്നാണ് കരുതുന്നത്. അതുപോലെ തന്നെ മനുഷ്യരുടെ വിയര്‍പ്പില്‍ അടങ്ങിയിരിക്കുന്ന സല്‍ക്കാടോണ്‍ എന്ന രാസവസ്തുവും കൊതുകിനെ ആകര്‍ഷിക്കുന്നുണ്ട് എന്നു പറയപ്പെടുന്നു. എന്നാല്‍ പരീക്ഷണാവശ്യങ്ങള്‍ക്കുപയോഗപ്പെടുത്തിയ പന്നിയെലികള്‍ക്ക് (ഗിനി പിഗ്) പ്രത്യേക ഗന്ധമുണ്ടായിരുന്നില്ല. പക്ഷേ അവയില്‍ സല്‍ക്കാടോണ്‍ പുരട്ടിയെങ്കിലും കൊതുകുകളെ ആകര്‍ഷിക്കാന്‍ കഴിഞ്ഞില്ല.
മൃഗങ്ങളില്‍ നിന്നും മനുഷ്യരിലേയ്ക്ക് കൊതുകുകള്‍ മാറാനിടയായ സഹചര്യങ്ങളേക്കുറിച്ച് കൂടുതല്‍ പഠനം ആവശ്യമുണ്ടെന്നാണ് നേച്ചര്‍ ജേണലില്‍ പ്രസിദ്ധീകരിച്ചിട്ടുളള ലേഖനത്തില്‍ പറയുന്നത്. കാരണം, ആയിരക്കണക്കിന് വര്‍ഷങ്ങള്‍ക്കു മുമ്പ് മനുഷ്യരുടെ ഇടയിലേയ്ക്ക് വാസം മാറുന്നതിന് കൊതുകള്‍ക്ക് അതിന്റെ ജീവിതരീതികളില്‍ വന്‍മാറ്റങ്ങള്‍ നടത്തേണ്ടതുണ്ടായിരുന്നു എന്നാണ് ശാസ്ത്രകാരന്‍മാര്‍ പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha