സ്‌നേഹിച്ച പയ്യന്‍ പെണ്ണായിരുന്നു…
വിഷ്ണു രമയ്ക്ക് നിശയ്ക്ക് ശശാങ്കന്‍ എന്നു പറയുന്നതു പോലെയായിരുന്നു ആ യുവതിക്ക് കിട്ടിയ കാമുകന്‍. തന്റെ പ്രതിശ്രുത വരനെ കുറിച്ചോര്‍ത്ത് അവള്‍ക്ക് നൂറ് നാവായിരുന്നു. തനിക്കായി ദൈവം കരുതിവച്ച ആ ഫെര്‍ഫെക്ട് മാച്ചിനെ അവള്‍ ജീവനെക്കാളേറെ സ്‌നേഹിച്ചു. എന്നാല്‍ അവസാനമാണ് ആ ഞെട്ടിപ്പിക്കുന്ന സത്യം അവളറിഞ്ഞത്. ഞാന്‍ ജനിച്ചത് ഒരു പെണ്‍കുട്ടിയായിട്ടാണ്…
ലണ്ടനിലാണ് ഒരേസമയം ഞെട്ടലും ആകാംക്ഷയും നിറഞ്ഞ സംഭവമുണ്ടായത്. സിക്‌സ് പായ്ക്ക് ബോഡിയുമായി എതു പെണ്ണിനേയും ആകര്‍ഷിയ്ക്കുവാന്‍ പോന്ന കരുത്തും സൗന്ദര്യവുമുള്ള കെയ്‌റന്‍ ആണ് കഥാനായകന്‍. ഇരുപതുകാരിയായ ഷാര്‍ലെറ്റ് യൂറിയാണ് ഹതഭാഗ്യയായ കഥാനായിക.
വിവാഹ നിശ്ചയത്തിന് മുമ്പ് കെയ്‌റന്‍ ഒരു പ്രത്യേക കാര്യം പറയാനുണ്ടെന്ന് തന്റെ കാമുകിയെ അറിയിച്ചു. മുഖവുരയില്ലാതെ കെയ്‌റന്‍ തുറന്നു പറഞ്ഞു. താന്‍ ജനിച്ചു വളര്‍ന്നത് ഒരു പെണ്‍കുട്ടിയായിട്ടായിരുന്നു. കെയ്‌റന്‍ ഇത് വെളിപ്പെടുത്തിയപ്പോള്‍ ഷാര്‍ലെറ്റ് അതിശയിച്ചു പോയി. സ്ത്രീ സഹജമായ യാതൊരു ഭാവ ലക്ഷണങ്ങളും ഇല്ലാത്ത കെയ്‌റന്‍ മുന്‍പ് പെണ്ണായിരുന്നു എന്നു പറഞ്ഞാല്‍ എങ്ങനെ വിശ്വസിക്കാനാകും?
കെയ്‌റന്‍ തന്റെ മുഴുവന്‍ കഥയും അവളോടു പറഞ്ഞു. പെണ്‍കുട്ടിയായി ജനിച്ച കെയ്‌റിന്‍ വളരാന്‍ തുടങ്ങിയതോടെയാണ് ആശയക്കുഴപ്പത്തിലായത്. ദ്വിലിംഗക്കാരിയായ അന്നത്തെ സിയാരയെ അമ്മ പെണ്‍കുട്ടികളെപ്പോലെ വളര്‍ത്തി. എന്നാല്‍ പെണ്‍കുട്ടിയുടെ വേഷം ധരിപ്പിക്കുമ്പോള്‍ മുതല്‍ അവള്‍ക്ക് അസ്വസ്ഥതയായിരുന്നത്രേ. സ്‌കൂളില്‍ ചേര്‍ന്നപ്പോള്‍ എല്ലാവര്‍ക്കും അവളെ കളിയാക്കാനേ നേരമുണ്ടായിരുന്നുള്ളൂ. പ്രായപൂര്‍ത്തിയായപ്പോള്‍ സ്‌ത്രൈണഭാവങ്ങള്‍ കൂടുതല്‍ തെളിയാന്‍ തുടങ്ങിയപ്പോള്‍ അവള്‍ക്കാകെ നിരാശയായി. സ്‌കൂളില്‍ ഒപ്പമുള്ള ആണ്‍കുട്ടികളുടെ സ്വരം മാറിയതും അവര്‍ ഷേവ് ചെയ്യാന്‍ ആരംഭിച്ചതും ഒക്കെ കണ്ടപ്പോള്‍ വാസ്തവത്തില്‍ അസൂയയുമായി.
18 വയസ്സായപ്പോള്‍ മുതല്‍ മാസത്തിലൊരിക്കല്‍ ടെസ്റ്റോ സ്റ്ററോണ്‍ കുത്തിവയ്പുകളെടുത്തു തുടങ്ങി. അതിനുള്ള ചെലവ് അമ്മ വഹിക്കുകയും ചെയ്തു. രണ്ടു വര്‍ഷത്തിനുശേഷം ഡബിള്‍ മാസ്റ്റക്ടമി ശസ്ത്രക്രിയ ചെയ്ത് ശരീരത്തിന്റെ മുകള്‍ഭാഗം പൂര്‍ണ്ണമായും പുരുഷന്റേതു പോലെയാക്കി.
![\"\"](\"/userfiles/PAY-Kieran.jpg\")
ഇതിന് മുമ്പുള്ള കാമുകിമാരോട് ഇക്കാര്യങ്ങള്‍ കെയ്‌റിന്‍ തുറന്നു പറഞ്ഞിരുന്നു. എന്നാല്‍ അവരെല്ലാവരും കെയ്‌റിനെ ഉപേഷിച്ച് പോകുകയായിരുന്നു. ഷാര്‍ലെറ്റിനെ കണ്ടപ്പോള്‍ അവളുടെ സൗന്ദര്യം അവനെ കീഴ്‌പ്പെടുത്തിക്കളഞ്ഞു എന്നത് സത്യമാണ്. എങ്കിലും ഇത് പറയാതിരിക്കുന്നത് ശരിയല്ലെന്ന പക്ഷക്കാരനായിരുന്നു കെയ്‌റിന്‍.
എന്നാല്‍ ഷാര്‍ലെറ്റ് കെയ്‌റിനെ ഉപേക്ഷിച്ചില്ല. എല്ലാം തുറന്നു പറഞ്ഞ സുന്ദരിയായ സുന്ദരന്റെ മനസിന്റെ സൗന്ദര്യം ഷാര്‍ലെറ്റ് തിരിച്ചറിഞ്ഞു. പരസ്പരം തിരിച്ചറിഞ്ഞ ഇരുവരും ആഴ്ചകള്‍ക്കുള്ളില്‍ ആദ്യസമാഗമത്തിലേര്‍പ്പെടുകയും ചെയ്തു. അവര്‍ രണ്ടു പേരും ഉടനെ വിവാഹിതരാകുവാനും കെയ്‌റന്റെ സുഹൃത്തില്‍ നിന്നും ബീജം സ്വീകരിച്ച് കുടുംബം തുടങ്ങാനും തീരുമാനിച്ചിരിക്കുകയാണ്.
ലിംഗ നിര്‍ണ്ണയം പൂര്‍ണ്ണമാക്കേണ്ട ഫുള്‍ ജെന്‍ഡര്‍ റീ അസൈന്‍മെന്റ് ശസ്ത്രക്രിയ ഇതുവരെ നടത്തിയിട്ടില്ലെങ്കിലും തങ്ങളുടെ സെക്‌സ് ലൈഫിന് യാതൊരു കുഴപ്പവുമില്ലെന്ന് ഇരുവരും പറയുന്നു. കെയ്‌റന്‍ തന്റെ ആത്മമിത്രമാണെന്നും, അവന്റെ മുന്‍കാലത്തെക്കുറിച്ച് തങ്ങളുടെ കുഞ്ഞുങ്ങള്‍ക്ക് പാകതയെത്തുമ്പോള്‍ അറിയിയ്ക്കുമെന്നുമാണ് ഷാര്‍ലെറ്റിന്റെ ഇപ്പോഴത്തെ തീരുമാനം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
