ആ 25 പേജും ഞാന് വായിച്ചു... ആരൊക്കെ സരിതയെ എങ്ങനെയൊക്കെ ഉപദ്രവിച്ചു, ഉപയോഗിച്ചു എന്നും അതിലുണ്ട്
സോളാര് കേസ് പ്രതി സരിതാ എസ് നായര് ജയിലില് ഇരുന്ന് എഴുതിയ കത്ത് താന് കണ്ടിട്ടുണ്ടെന്ന് സര്ക്കാര് ചീഫ് വിപ്പ് പി.സി. ജോര്ജ്ജ്. ആ കത്തില് 25 പേജുണ്ടായിരുന്നു. സരിതയുടെ കത്ത് 22 പേജുകള് മാത്രമാണുണ്ടായിരുന്നതെന്നാണ് പ്രചരിച്ചിരുന്നത്. എന്നാല് 25 പേജും താന് വായിച്ചിരുന്നു. അതില് അവരെ ആരൊക്കെ എങ്ങനെയൊക്കെ ഉപദ്രവിച്ചു, ഉപയോഗിച്ചു എന്ന് വ്യക്തമായി എഴുതിയിട്ടുണ്ടെന്ന് പി.സി ജോര്ജ്ജ് പറഞ്ഞു. അത് പുറത്ത് പറഞ്ഞാല് കേരള രാഷ്ട്രീയം മലീമസമാകും.
സരിതയുടെ പ്രവൃത്തികളിലെ ശരി തെറ്റുകളേക്കാള് അവര് നിരത്തി വച്ച തെളിവുകള് കണ്ട് താന് അമ്പരന്ന് പോയെന്നും അദ്ദേഹം പറഞ്ഞു. തന്നെ കാണാന് വീട്ടില് വന്ന സരിത കരഞ്ഞ് കൊണ്ടാണ് പല കാര്യങ്ങളും പറഞ്ഞതെന്നും സരിതയുടെ കഴിവുകള് ശരിയായ രീതിയില് അല്ല പോയതെന്നും അദ്ദേഹം അഭിമുഖത്തില് പറഞ്ഞു.
സരിത മുമ്പ് ഓഫീസില് ഒന്നോ രണ്ടോ തവണ വന്നിട്ടുണ്ടെന്നും ജോര്ജ്ജ് പറയുന്നു. അതേക്കുറിച്ച് ഞാന് പറഞ്ഞിട്ടുള്ളതാണ്. പക്ഷേ ജയിലില് നിന്ന് ഇറങ്ങിയ ശേഷം സരിത എന്നെ ഈരാറ്റുപേട്ടയിലെ വീട്ടില് വന്നു കണ്ടിരുന്നു. ഞാനവരോട് പറഞ്ഞു, കൊച്ചേ നിന്റെ പരിപാടികള്ക്കൊക്കെ ഞാന് എതിരാണ്. എന്നെ വന്ന് കാണുന്നതുകൊണ്ട് നിനക്ക് ഒരു ഗുണവും ഉണ്ടാകില്ല. അവര്ക്കു കുറച്ച് കാര്യങ്ങള് പറയാനുണ്ടെന്ന് നിര്ബന്ധിച്ചു പറഞ്ഞപ്പോള് വീട്ടിലേക്ക് വന്നോളാന് പറഞ്ഞു.
വന്ന ദിവസം എനിക്ക് കണ്ടപ്പോള് മനസ്സിലായില്ല. പര്ദയിട്ടാണ് വന്നത്. അവരുടെ പ്രവര്ത്തികളിലെ ശരി തെറ്റുകളേക്കാള് അവര് നിരത്തി വച്ച തെളിവുകള് കണ്ട് ഞാന് അമ്പരന്നുപോയി.
മനസ്സിനു മരവിപ്പ് തോന്നാവുന്ന അനുഭവങ്ങളാണ് സരിത പറഞ്ഞത്. ഒപ്പം വിവാദമായ സരിതയുടെ ആ കത്തും വായിച്ചു. ആ കത്ത് ഞാന് തിരിച്ചു കൊടുത്തു. കരഞ്ഞുകൊണ്ട് കുറെ അധികം കാര്യങ്ങള് പറഞ്ഞതിനുശേഷമാണ് അവര് പോയത്.
ഒരു കാര്യം പറയാം, അവളുടെ കഴിവുകള് ശരിയായ രീതിയില് അല്ല പോയത്. അതില് കൂടുതല് ഒന്നും പറയുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha