ഇനി മുതല്‍ സൂക്ഷിച്ചു വേണം കാമുകി കാമുകന്മാര്‍ ഫോണില്‍ പ്രണയസല്ലാപം നടത്താന്‍. ഇല്ലെങ്കില്‍ നിങ്ങള്‍ പോലും അറിയാതെ പണി പുറകെ നിന്നും കിട്ടു. പ്രണയസല്ലാപം നടത്താം പക്ഷേ, അത് നിങ്ങളുടെ ഫോണിലായിരിക്കണം. ഓഫീസ് ഫോണിലാണെങ്കില്‍ നിങ്ങളുടെ പ്രണയ സല്ലാപം ഹാക്കര്‍മാര്‍ ചോര്‍ത്താന്‍ സാധ്യതയുണ്ട്. 
കാമുകിമാര്‍ക്ക് സന്ദേശങ്ങള്‍ അയക്കുമ്പോഴും സൂക്ഷിക്കണം ഇല്ലെങ്കില്‍ നിങ്ങളുടെ സ്വകാര്യ സന്ദേശങ്ങളും ചോര്‍ത്താം. ഓൗദ്യോഗിക ഫോ ണിലൂടെയാണെങ്കില്‍ സ്മാര്‍ട്ട് ഫോണിലെ ഡേറ്റിങ് ആപ്പുകള്‍ വഴി പ്രണയം പങ്കിടുന്നവരുടെ എല്ലാ വിവരങ്ങളും ചോര്‍ത്തിയെടുക്കാനുള്ള സാധ്യതയേറെയാണെന്ന് ഐബിഎം നടത്തിയ പഠനത്തിലാണു കണ്ടെത്തിയിരിക്കുന്നത്. ഗൂഗിളിന്റെ ആന്‍ഡ്രോയിഡ് പ്ലാറ്റ്‌ഫോമിലുള്ള 26 ഡേറ്റിങ് ആപ്പുകളില്‍ ഈ അപകടമുണ്ടെന്നാണു കണ്ടെത്തല്‍. 
ഔദ്യോഗികഫോണില്‍ ഇതുപയോഗിക്കുന്നവര്‍ തങ്ങളുടെയും ജോലി ചെയ്യുന്ന കമ്പനികളുടെയും രഹസ്യങ്ങളിലേക്കുള്ള വാതില്‍ തുറന്നിടുകയാണെന്നാണ് ഐബിഎം പറയുന്നത്. പഠനം നടത്തിയ പകുതിയിലേറെ കമ്പനികളിലെയും ജീവനക്കാര്‍ ഡേറ്റിങ് ആപ്പുകള്‍ ഉപയോഗിക്കുന്നുണ്ടെന്നാണ് ഇപ്പോഴത്തെ കണ്ടെത്തല്‍. മൂന്നു കോടിയിലേറെ അമേരിക്കക്കാര്‍ ഡേറ്റിങ് ആപ്പുകള്‍ ഉപയോഗിക്കുന്നുണ്ടെന്നു മറ്റൊരു ഏജന്‍സി മുന്‍പു നടത്തിയ പഠനത്തില്‍ കണ്ടെത്തിയിരുന്നു. ഇനി മുതല്‍ നിങ്ങള്‍ പ്രണയസല്ലാപത്തിലാകുമ്പോള്‍ ഫോണ്‍ നിങ്ങളുടെതാണോ എന്ന് കൂടി ശ്രദ്ധിക്കണം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha