പ്രണയദിനം ഇനി മുതല് പ്രണയിക്കാനുള്ളതല്ല, അമ്പലത്തില് പോയി മനസ്സ് ശുദ്ധീകരിക്കാനുള്ള ദിനമാണ്
കാമുകി കാമുകന്മാര്ക്ക് ആകെയുള്ള ഒരു ദിവസമാണല്ലോ ഫെബ്രുവരി 14. പ്രണയിക്കുന്നവര്ക്ക് സ്നേഹ സമ്മാനങ്ങള് കൈമാറാം, യഥാര്ത്ഥ സ്നേഹം കാമുകിയോടോ കാമുകനോടോ മനസ് തുറന്ന് പറയാം. എന്നാല് വാലന്റൈന്സ് ദിനം എന്തിനാണെന്ന് ചോദിക്കുന്ന നിരവധി പേരുണ്ട് ഇന്ന് നമ്മുടെയിടയില്. പ്രണയം തുറന്ന് പറയാനും ഒരു ദിവസമോ? വാലന്റൈന്സ് ദിനത്തില് പങ്കെടുക്കുന്നതിനും ലൈംഗിക ബന്ധത്തില് ഏര്പ്പെടുന്നതിനും എതിരെ ശക്തമായി മുന്നോട്ട് വരുന്ന സദാചാരവാദികളുമുണ്ട്.
എന്നാല് പ്രണയദിനത്തെ പൂര്ണമായും നിഷേധിച്ച് കൊണ്ട് ഒരു കൂട്ടര് മുന്നോട്ട് വന്നിട്ടുണ്ട്. ബാങ്കോക്കിലെ നഗര അധികൃതരാണ് പ്രണയദിവസത്തെ പൂര്ണമായി എതിര്ത്ത് മുന്നോട്ട് വന്നിരിക്കുന്നത്. പ്രണയദിവസം ചെയ്യേണ്ടത് ഇത്രമാത്രം, ക്ഷേത്ര ദര്ശനം നടത്തി മനസ്സ് ശുദ്ധമാക്കാനാണ് തായ്ലന്ഡ് അധികൃതര് നല്കിയിരിക്കുന്ന നിര്ദേശം. ബാങ്കോക്ക് നഗര അധികൃതര് നഗരവാസികളോടാണ് ഇത്തരമൊരു അഭ്യര്ത്ഥന നടത്തിയിരിക്കുന്നത്.
പ്രണയദിനത്തെ രേഖപ്പെടുത്താന് ഇതിലും നല്ലൊരു വഴിയില്ലെന്നാണ് അധികൃതര് കണ്ടെത്തിയിരിക്കുന്ന ന്യായം. അതേസമയം തങ്ങളുടെ കന്യകാത്വം നഷ്ടപ്പെടാന് ഏറ്റവും അനുയോജ്യമായ ദിനമായി കൗമാരക്കാരികള് തെരഞ്ഞെടുക്കുന്നത് വാലന്റൈന് ദിനമാണെന്നാണ് ദിവസങ്ങള്ക്ക് മുമ്പ് ബാങ്കോക്കില് നടന്ന സര്വ്വേയില് പറയുന്നത്. ടൂറിസ സൗഹാര്ദരാജ്യമായ തായ്ലന്ഡില് പാശ്ചാത്യ ആഘോഷമായ വാലന്റൈന്സ് ദിന ആഘോഷങ്ങള്ക്കു വന്പ്രചാരമാണുള്ളത്. എതായാലും അമ്പലത്തില് പോയി മനസ്സ് ശുദ്ധീകരിക്കാനുള്ള ഈ നിര്ദേശം എത്രമാത്രം പ്രായോഗികമാണെന്ന് കാത്തിരുന്നു തന്നെ കാണണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha