പിശുക്ക് നല്ലതാണെങ്കിലും ചില അവസരങ്ങളില്‍ പിശുക്ക് കൂടിയാല്‍ പണികിട്ടും. പിശുക്ക് കാരണം മരണത്തിന് മുന്നില്‍ കീഴടങ്ങേണ്ടി വന്ന കോടീശ്വരനുണ്ട് ഈ ലോകത്ത്. കോടീശ്വരനായ ഗാരി വിക്കേഴ്‌സും ഭാര്യ കേയ് ക്ലാര്‍ക്കുമാണ് മരണത്തിന് മുന്നില്‍ കീഴടങ്ങിയത്. ഒരു യാത്ര കഴിഞ്ഞ് തിരിച്ച് മടങ്ങി വരുമ്പോഴാണ് മരണം ഇവരെ കാത്തിരുന്നത്. ഇവര്‍ക്ക് വീട്ടിലെത്താന്‍ രണ്ടേകാല്‍ മണിക്കൂര്‍ മാത്രമായിരുന്നു ബാക്കിയുണ്ടായിരുന്നത്. എന്നാല്‍ വിമാനത്തില്‍ ഇന്ധനം ഇല്ലാതിരുന്നതാണ് ആകെ പ്രശ്‌നമായത്. 
പാഴ്‌ച്ചെലവ് എന്തിനാണെന്ന് കരുതി വിക്കേഴ്‌സ് ഇന്ധനവും അടിച്ചില്ല. വിക്കേഴ്‌സിന്റെ പ്രായോഗികബുദ്ധിക്കു മരണം വില പറഞ്ഞു കളഞ്ഞു എന്നതാണ് യാഥാര്‍ത്ഥ്യം. മരണം തൊട്ടടുത്ത് ഇവരെ കാത്തിരുന്നത് ഈ ദമ്പതികള്‍ അറിയാതെ പോയി. 386 ലീറ്റര്‍ ശേഷിയുള്ള വിമാനത്തിന്റെ ടാങ്കില്‍ 244 ലീറ്റര്‍ ഇന്ധനം മാത്രമാണു വിക്കേഴ്‌സ് ആ ദുരന്തപറക്കലിനു മുമ്പ് നിറച്ചിരുന്നത്. വിമാനം ലാന്‍ഡിങ്ങിനായി റണ്‍വേ തൊടുന്നതിനു തൊട്ടുമുന്‍പ് ടാങ്ക് പൂര്‍ണമായി കാലിയായി. രണ്ടു സ്‌പെയര്‍ ടാങ്കുകളിലായി ആവശ്യത്തിന് ഇന്ധനമുണ്ടായിരുന്നിട്ടും അതു വിക്കേഴ്‌സ് ഉപയോഗപ്പെടുത്തിയില്ല. 
2013 നവംബര്‍ 15നാണ് ലോകത്തെ ഞെട്ടിച്ച മരണ വാര്‍ത്ത നടന്നത്. വിക്കേഴ്‌സും പങ്കാളി കേയ് ക്ലാര്‍ക്കും പറന്ന സെസ്‌ന വിമാനം ചെഷൈറിലെ റണ്‍വേയിലേക്കു വീണു തകര്‍ന്നുതരിപ്പണമായത് ഇന്ധനമില്ലാഞ്ഞതു മൂലമെന്നു കണ്ടെത്തിയിരുന്നു. അപകടമരണമാണെന്ന് അന്വേഷണസംഘം സ്ഥിരീകരിക്കുകയും ചെയ്തു. വിക്കേഴ്‌സ് അപകടസ്ഥലത്ത് വച്ച് തന്നെ മരിക്കുകയായിരുന്നു.
എന്നാല്‍ ഭാര്യ കേയ് ക്ലാര്‍ക്ക് ആന്തരികരക്തസ്രാവത്തെത്തുടര്‍ന്ന് ആശുപത്രിയില്‍വച്ചാണു മരണത്തിന് കീഴടങ്ങിയത്. ഗാരി വിക്കേഴ്‌സ് പ്രശസ്തമായ മില്‍ ഹോട്ടലിന്റെ ഉടമയാണ്. ഏഴു വര്‍ഷങ്ങള്‍ക്ക് മുന്‍പാണ് വിക്കേഴ്‌സ് ഒരു ഹോട്ടലില്‍ വച്ച് കേയ് കണ്ട് മുട്ടുന്നത്. ചെസ്റ്ററിലെ ആഡംബര വസതിയില്‍ ഇവര്‍ ഒരുമിച്ചു ജീവിതവും തുടങ്ങി. കുറച്ച് വര്‍ഷങ്ങള്‍ മാത്രമാണ് ഇവര്‍ക്ക് ഒരുമിച്ച് താമസിക്കാനായത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha