യുകെയിലെ ഡെവണിലുള്ള ടാമര്‍ ലിയറ്റിനും പങ്കാളി ആന്‍ഡ്ര്യൂഷാഫ്‌ലാന്‍ഡിനും 4 വയസ്സുകാരായ ഇരട്ടക്കുട്ടികളും,ഒന്നരവയസ്സുകാരനായ മറ്റൊരു മകനുമാണുള്ളത്. 4 വയസ്സുള്ള ഇരട്ട കുഞ്ഞുങ്ങളില്‍ വിന്നി മകളും, ആല്‍ഫി മകുമാണ്. ഇരട്ട സഹോദരങ്ങള്‍ക്കിടയില്‍ വല്ലാത്തൊരു ആത്മബന്ധമുണ്ടെന്നാണ് ടാമറിന്റെ നിരീക്ഷണം. രണ്ടു പേരും ഒന്നിച്ചുണ്ടെങ്കില്‍ അവര്‍ ശാന്തമായിരുന്ന് കളിച്ചു കൊള്ളുമത്രേ. അവരെ തമ്മില്‍ അകറ്റി നിര്‍ത്തുമ്പോള്‍ രണ്ടുപേരും അസ്വസ്ഥരായിരിക്കുമെന്നാണ് ടാമര്‍ പറയുന്നത്. അതുകൊണ്ടാണ് ആല്‍ഫിയ്ക്ക് ബ്ലഡ്കാന്‍സര്‍ ആണെന്നറിഞ്ഞപ്പോള്‍ ടാമറിന്റെ മാനസിക ആഘാതം ഇരട്ടിയായത്. മകന്റെ അസുഖത്തിന്റെ മനോവ്യഥ കൂടാതെ, അവനെന്തെങ്കിലും ദോഷം സംഭവിച്ചുപോയാല്‍ വിന്നി അതിനെ എങ്ങനെ നേരിടുമെന്ന ചിന്ത അയാളുടെ ഭയം ഇരട്ടിയാക്കി. ഏതായാലും ആല്‍ഫിയെ ആശുപത്രിയില്‍ പ്രവേശിപ്പിച്ച് ചികിത്സകളാരംഭിച്ചു. കീമോതെറാപ്പി ചെയ്ത് അവന്റെ മുടിയൊക്കെ കൊഴിഞ്ഞു തുടങ്ങിയെങ്കിലും ആ അവസ്ഥയില്‍ വിന്നി ആല്‍ഫിയെ കാണേണ്ട എന്നു തീരുമാനിക്കാന്‍ പോലും അമ്മയ്ക്കു പേടിയായിരുന്നു. അതു കൊണ്ട് അവളേയും എന്നും അവനെ കാണാന്‍ കൊണ്ടു വരുമായിരുന്നു. അങ്ങനെ രണ്ടു കുഞ്ഞുങ്ങള്‍ക്ക് ഒപ്പം ആശുപത്രിയില്‍ ആയിരുന്നു ടാമര്‍. അപ്പോഴാണ് വിന്നിയുടെ കണ്ണുകള്‍ ഈ 4 വയസ്സുവരെ ഉണ്ടായിരുന്നതു പോലെയല്ലയെന്ന് ടാമര്‍ ശ്രദ്ധിച്ചത്. അയാള്‍ക്ക് പെട്ടെന്ന് കോങ്കണ്ണ് ഉണ്ടായിരിക്കുന്നത് കണ്ടപ്പോള്‍ ടാമര്‍ ഡോക്ടര്‍മാരോട് പറഞ്ഞു, വിന്നിക്ക് എന്തോ കുഴപ്പമുണ്ടെന്ന്. ഭാഗ്യത്തിന് ഡോക്ടര്‍മാര്‍ അത് കാര്യമായിത്തന്നെയെടുത്തു. വിന്നിയ്ക്ക് സി.റ്റി.സ്‌കാന്‍ ചെയ്തു നോക്കാമെന്ന് ഡോക്ടര്‍മാര്‍ പറഞ്ഞു. സ്‌കാന്‍ റിപ്പോര്‍ട്ട് കണ്ട് ടാമര്‍ സ്തംഭിച്ചു പോയി. വിന്നിയ്ക്ക് ബ്രെയിന്‍ ട്യൂമറാണെന്നായിരുന്നു റിപ്പോര്‍ട്ട്. അവളുടെ തലച്ചോറില്‍ നിറയുന്ന ദ്രാവകം ഒഴുക്കികളയുന്നതിനായി അടിയന്തിര ശസ്ത്രക്രീയ നടത്തി. ആ ശസ്ത്രക്രിയ കഴിഞ്ഞ് പത്തു ദിവസമായപ്പോള്‍ തന്നെ തലച്ചോറിലെ ട്യൂമര്‍ നീക്കം ചെയ്യാനായി 10 മണിക്കൂര്‍ നീണ്ട അടുത്ത ശസ്ത്രക്രിയയും നടത്തി. വിന്നി സുഖം പ്രാപിച്ചു വരുന്നു. 4 വയസ്സിനുള്ളില്‍ ഇത്രയധികം മരുന്നുകളും ആശുപത്രി വാസവും ശസ്ത്രക്രീയയുമെല്ലാം അനുഭവിച്ചതിനാല്‍ ആല്‍ഫി അല്പം വിഷാദാവസ്ഥയിലാണെങ്കിലും അസുഖം ഭേദമായി വരുന്നു.
ടാമറിന് അല്പം ആശ്വാസമായെങ്കിലും വിന്നിയ്ക്ക് എന്തെങ്കിലും പ്രശ്‌നമുണ്ടോ എന്നു പരിശോധിച്ചു പറയാന്‍ ആദ്യം സമീപിച്ച ഡോക്ടര്‍ പറഞ്ഞതോര്‍ക്കുമ്പോള്‍ ടാമറിന് ഇപ്പോഴും ചങ്കിടിക്കും. ഇരട്ടക്കുഞ്ഞുങ്ങളിലൊരാള്‍ക്ക് ബ്ലഡ് കാന്‍സര്‍ വന്നതു കൊണ്ട് ആധി പിടിച്ചു നടക്കുന്ന ടാമറിനല്ലേ ചികിത്സ വേണ്ടതെന്നായിരുന്നു ആ ഡോക്ടറുടെ ചോദ്യം. വിന്നിയുടെ കാര്യം രണ്ടാമത്തെ ഡോക്ടറും ഇതുപോലെ നിസ്സാരമായി കരുതിയിരുന്നെങ്കില്‍ എന്താകുമായിരുന്നേനെ എന്നോര്‍ക്കുമ്പോള്‍ തന്നെ ടാമര്‍ വിറയ്ക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha