കോവിഡിനെ പിടിച്ചു നിര്‍ത്തി പ്രതീക്ഷകള്‍ നല്‍കുകയാണ് ഏഷ്യയിലെ ഏറ്റവും വലിയ ചേരിയായ ധാരവാവി. കോവിഡിനെ പിന്തുടര്‍ന്ന് പിടികൂചുകയെന്ന കര്‍മ്മപദ്ധതിയും ആരോഗ്യപ്രവര്‍ത്തകരുടെ അക്ഷിണ പ്രയക്തനവുമാണ് ധാരാവിക്ക് തുണയായത്. രണ്ടു കിലോമീറ്റര്‍ ചുറ്റളവില്‍ 10 ലക്ഷം പേര്‍. സാമൂഹിക അകലം എന്ന വാക്കിന് ധാരാവിയെ സംബന്ധിച്ച് പ്രത്യേകിച്ച് അര്‍ഥമൊന്നുമില്ല. ഒന്നും തൊട്ടല്‍ കുടെ പോകുന്ന രോഗം. എന്നിട്ടും ഇന്ന് ധാരാവി അതിജീവിക്കുകയാണ്. ദിവസം നൂറുകണക്കിന് ആളുകള്‍ കോറോണ ബാധിതരായി മാറിയ ഇവിടെ ഇന്നു റിപ്പോര്‍ട്ട് ചെയ്യപ്പെടുന്നത് നാമമാത്രമായ ആളുകള്‍ മാത്രം. ആകെ 2323 പേര്‍ക്ക് രോഗം കണ്ടെത്തിയെങ്കിലും 1700 ലേറെ പേര്‍ രോഗമുക്തരായി. 86 പേരാണ് ഇവിടെ രോഗം ബാധിച്ച് മരിച്ച്.

മുംബൈ കോര്‍പ്പറേഷന്റെ കൃത്യമായ ആസൂത്രണത്തോടെയാണ് നടപ്പാക്കിയ കര്‍മ്മപദ്ധതിയാണ് രോഗവ്യാപന നിരക്ക് കുറച്ചത്. ഏപ്രില്‍ മാസത്തില്‍ കോവിഡ് വളര്‍ച്ച നിരക്ക് 12 ശതമാനമായയിരുന്നു. ഇത് മേയില്‍ 4.3 ശതമാനത്തിലെക്കും ജൂണില്‍ 1.02 ശതമാനത്തിലേക്കും കൂത്തനെ കുറഞ്ഞു. വീടു വീടാന്തരം കയറി ബോധവത്കരണവും പരിശോധനയും നടന്നു അന്‍പതിനായിരത്തോളം വീടുകള്‍ കയറിയിറങ്ങി ഏഴു ലക്ഷത്തോളം പേരെ പരിശോധിച്ചു. രോഗലക്ഷണം കാണുന്നവരെ ഉടന്‍ ക്വാറന്റീന്‍ കേന്ദ്രങ്ങളിലേക്ക് മാറ്റി. കൃത്യമായ ഇടവേളയില്‍ പൊതുശൗച്യാലയങ്ങള്‍ ശുചീകരിച്ചു. ലോക്ഡൗണ്‍ ഇളവുകളുടെ ആദ്യഘട്ടത്തില്‍ ചേരിയിലെ താല്‍ക്കാലിക താമസക്കാര്‍ സ്വന്തം നാടുകളിലേക്കു മടങ്ങിയതും ധാരാവിക്ക് തുണയായി.

ധാരാവിയെ താരതമ്യം ചെയ്താല്‍ തിരുവനന്തപുരത്ത് ഇത്തരമൊരു കര്‍മപദ്ധതി നടപ്പാക്കുന്നത് അത്ര വലിയ കാര്യമായിരിക്കില്ല. ഉറവിടങ്ങള്‍ അറിയാത്ത രോഗബാധിതരുടെ എണ്ണം വര്‍ധിച്ചതാണ് തിരുവനന്തപുരത്തെ ട്രിപ്പിള്‍ ലോക്ഡൗണിലേക്ക് നയിച്ചത്. ഇത് സമൂഹവ്യാപനത്തിലേക്ക് കടന്നിട്ടുണ്ടോയെന്ന കാര്യത്തില്‍ സര്‍ക്കാരിനോ ആരോഗ്യപ്രവര്‍ത്തകര്‍ക്കോ നിശ്ചയമില്ല. എന്നാല്‍ സാധ്യത തള്ളി കളയുന്നുമില്ല. ഒരാഴ്ചക്കാലും വീണ്ടും ലോക്ഡൗണ്‍ ചെയ്തതു കൊണ്ടു മാത്രം രോഗത്തെ നിയന്ത്രിക്കാന്‍ സാധിക്കണമില്ല. അതിന് രോഗികളെ കണ്ടെത്തണം. ധാരാവില്‍ ചെയ്തത് പോലെ പരാമവധി പേരില്‍ പരിശോധന നടത്തി രോഗികളെ കണ്ടെത്തി അവര്‍ക്ക് ചികില്‍സ നല്‍കണം. ഒപ്പം രോഗം മാറുന്നതുവരെ പൊതു സമൂഹത്തില്‍ നിന്നും മാറ്റി നിര്‍ത്തി കൃത്യമായി ക്വാറന്റീന്‍ ചെയ്യുകയും വേണം. അല്ലാത്ത പക്ഷം ധാരാവില്‍ രോഗം കുറഞ്ഞത് കേരള മോഡല്‍ നടപ്പാക്കിതുകൊണ്ടാണെന്ന് അടിസ്ഥാന രഹിതമായ വീരവാദങ്ങളില്‍ രമിച്ച് തലസ്ഥാന നഗരം സമൂഹിക വ്യാപനത്തിലേക്ക് പോകുന്നത് നോക്കി നില്‍ക്കാം.