ക്യാന്സറിനും ബ്രെയ്ന് ട്യൂമറിനും മരുന്ന് കഞ്ചാവ്
ക്യാന്സറിനും ബ്രെയ്ന് ട്യൂമറിനും കഞ്ചാവ് ഫലപ്രദമാണെന്നാണ് യു.എസ് ഗവണ്മെന്റിന്റെ അവകാശവാദം. അമേരിക്കയിലെ നാഷ്ണല് ഇന്സ്റ്റിറ്റിയൂട്ട് ഓഫ് ഡ്രഗ് അബ്യൂസ് നടത്തിയ പഠനത്തിന്റെ അടിസ്ഥാനത്തിലാണ് അമേരിക്കന് സര്ക്കാരിന്റെ അവകാശവാദം.
ക്യാന്സറിനെതിരെ കഞ്ചാവ് ഫലപ്രദമാകുമെന്ന് ഗവേഷണത്തില് കണ്ടെത്തിയെന്നാണ് അധികൃതരുടെ വാദം. അര്ബുദം ബാധിച്ച ശരീര കോശങ്ങളെ നശിപ്പിക്കാന് കഞ്ചാവിന് ശേഷിയുണ്ടെന്ന് മൃഗങ്ങളില് നടത്തിയ പഠനത്തില് തെളിഞ്ഞതായി ഇന്സ്റ്റിറ്റിയൂട്ടിലെ ഗവേഷകര് പുറത്തുവിട്ട റിപ്പോര്ട്ട് വെളിപ്പെടുത്തുന്നു.
ഏറ്റവും ഗുരുതരമായ ബ്രെയ്ന് ട്യൂമറിനെതിരെ പോലും കഞ്ചാവ് ഫലപ്രദമായി ഉപയോഗിക്കാമെന്ന് ഗവേഷകര് അവകാശപ്പെടുന്നു. എലികളിലാണ് പരീക്ഷണം നടത്തിയത്. റേഡിയേഷന് തെറാപ്പിക്കൊപ്പം കഞ്ചാവ് കൂടി പ്രയോഗിച്ചതോടെ ക്യാന്സര് ബാധിച്ച കോശങ്ങള് നശിപ്പിക്കുന്നതില് ഗവേഷകര് വിജയിച്ചു. കഞ്ചാവിന്റെ സത്ത് എടുത്താണ് ചികിത്സ.
അമേരിക്കയിലെ ചില സ്റ്റേറ്റുകളില് കഞ്ചാവ് നിയമവിധേയമാണ്. കഞ്ചാവിന്റെ ഉപയോഗം നിയമവിധേയമായ രാജ്യങ്ങളില് ചികിത്സാ ആവശ്യങ്ങള്ക്കും കഞ്ചാവ് ഉപയോഗിച്ചുവരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha