മെഡിക്കൽ പ്രവേശന പരീക്ഷയായ നീറ്റ് യുജി 2026മെയ് മൂന്നിന് ഞായറാഴ്ച . നാഷണൽ ടെസ്റ്റിങ് ഏജൻസി (എൻടിഎ) പുറത്തിറക്കിയ നാഷണൽ എലിജിബിലിറ്റി കം എൻട്രൻസ് ടെസ്റ്റ്-അണ്ടർ ഗ്രാജുവേറ്റ് (നീറ്റ് യുജി) 2026ലെ വിജ്ഞാപനത്തിലാണ് തീയതി അറിയിച്ചത്. നീറ്റ് യുജി പരീക്ഷ ഉച്ചയ്ക്ക് 2മണി മുതൽ വൈകുന്നേരം 5മണി വരെയാവും. കഴിഞ്ഞ വർഷത്തെ പോലെ പരീക്ഷയുടെ ദൈർഘ്യം 180മിനിറ്റ് (3മണിക്കൂർ)ആയിരിക്കും.

അതേസമയം മാർച്ച് എട്ടിന് രാത്രി ഒമ്പത് മണി വരെയാണ് രജിസ്ട്രേഷൻ ചെയ്യാനുള്ള സമയം. കഴിഞ്ഞ വർഷത്തെ പോലെ പരീക്ഷയുടെ ദൈർഘ്യം 180മിനിറ്റ് (3മണിക്കൂർ)ആയിരിക്കും. ഓൺലൈൻ അപേക്ഷാ ഫീസ് മാർച്ച് 8ന് രാത്രി 11.50വരെ അടയ്ക്കാവുന്നതാണ്. അപേക്ഷയിൽ തിരുത്തലുകൾക്കുള്ള അവസരം 2026മാർച്ച് 10മുതൽ 12വരെയായിരിക്കും.

ജനറൽ വിഭാഗത്തിലെ വിദ്യാർഥികൾക്ക് പരീക്ഷാ ഫീസ് 1,700രൂപയും സാമ്പത്തികമായി പിന്നാക്കം നിൽക്കുന്ന വിഭാഗം (ഇഡബ്ല്യുഎസ്),മറ്റ് പിന്നാക്ക വിഭാഗങ്ങൾ (ഒബിസി)വിഭാഗങ്ങൾക്ക് 1,600രൂപയുമാണ്. പട്ടികജാതി (എസ്സി),പട്ടികവർഗ (എസ്ടി)വിഭാഗക്കാർക്ക് 1,000രൂപയാണ് ഫീസ്. ഓൺലൈൻ അപേക്ഷാ പ്രക്രിയയിൽ ജിഎസ്ടിയും ഈടാക്കും. ഇന്ത്യയ്ക്ക് പുറത്തുള്ള പരീക്ഷാ കേന്ദ്രങ്ങൾ തിരഞ്ഞെടുക്കുന്നവർക്ക് 9,500രൂപയാണ് ഫീസ്.

എല്ലാ ഉദ്യോഗാർഥികൾക്കും ഇന്റർനെറ്റ് ബാങ്കിങ്,ഡെബിറ്റ് കാർഡുകൾ,ക്രെഡിറ്റ് കാർഡുകൾ,യുപിഐ എന്നിവ വഴി ഓൺലൈനായി രജിസ്‌ട്രേഷൻ ഫീസ് അടയ്ക്കാം. പരീക്ഷാ കേന്ദ്രങ്ങൾ അഡ്മിറ്റ് കാർഡിനൊപ്പം പ്രഖ്യാപിക്കും. കേരളത്തിൽ എല്ലാ ജില്ലകളിലും പരീക്ഷാ കേന്ദ്രങ്ങളുണ്ട്.

ഇത്തവണയും ഹിന്ദി, ഇംഗ്ലീഷ്, അസാമീസ്, ബംഗാളി, ഗുജറാത്തി, കന്നഡ,മലയാളം, മറാത്തി, ഒഡിയ,പഞ്ചാബി, തമിഴ്,തെലുങ്ക്,ഉറുദു എന്നീ 13ഭാഷകളിൽ പരീക്ഷ നടത്തുന്നതാണ്.