വിഖ്യാത സംഗീതജ്ഞൻ എസ്. പി. വെങ്കിടേഷിന് 'വാൽക്കണ്ണെഴുതിയ മകരനിലാവ്' എന്ന പേരിൽ ഭാരത് ഭവനും വയലാർ സാംസ്കാരിക വേദിയും ചേർന്ന് തലസ്ഥാന നഗരിയിൽ ശ്രദ്ധാഞ്ജലി ഒരുക്കുന്നു. ഫെബ്രുവരി 9 ന് വൈകുന്നേരം 5 മണി മുതൽ എസ്. പി. വി യുടെ ജനപ്രിയ ഗാനങ്ങളുടെ ആലാപനവും തുടർന്ന് ഓർമ്മ കൂട്ടായ്മയും ഭാരത് ഭവനിൽ നടക്കും. ജയകുമാർ ഐഎഎസ് ചടങ്ങ് ഉദ്ഘാടനവും അനുസ്മരണ പ്രഭാഷണവും നടത്തും. പണ്ഡിറ്റ് രമേശ് നാരായൺ, ബി അരുന്ധതി ടീച്ചർ, ഡോ. പ്രമോദ് പയ്യന്നൂർ, വയലാർ സാംസ്കാരിക വേദി പ്രസിഡന്റ് ഡോ. ജി. രാജ്‌മോഹൻ, സെക്രട്ടറി മണക്കാട് രാമചന്ദ്രൻ തുടങ്ങിയവർ അനുസ്മരണ കൂട്ടായ്മയിൽ ഒത്തുചേരും. ഓർമ്മ കൂട്ടായ്മയ്ക്ക് ശേഷം സംഗീതാലാപനം തുടരും.