വടക്കൻ നൈജീരിയയിൽ യാത്രക്കാരുമായി പോയ ട്രക്ക് അപകടത്തിൽപ്പെട്ട് 30 പേർ മരിച്ചു. നിരവധി പേർക്ക് പരിക്കേറ്റതായി അധികൃതർ . കാനോയിലെ ഗെസാവ പ്രദേശത്തെ ക്വാനാർ ബാർഡെ പട്ടണത്തിലാണ് അപകടമുണ്ടായത്. ഹൈവേയിലൂടെ സഞ്ചരിക്കുന്നതിനിടെ ഡ്രൈവർക്ക് നിയന്ത്രണം നഷ്ടപ്പെട്ട് ട്രക്ക് മറിയുകയായിരുന്നുവെന്ന് കാനോ ഗവർണറുടെ ഓഫീസിൽ നിന്നുള്ള പ്രസ്താവനയിൽ പറയുന്നു.

കാനോയിലെ ഗുജുങ്കു പട്ടണത്തിലേക്ക് യാത്രക്കാരുമായി പോകുകയായിരുന്ന ട്രക്കാണ് അപകടത്തിൽപ്പെട്ടത്. പലരുടെയും പരിക്ക് ​ഗുരുതരമാണെന്നും മരണസംഖ്യ ഇനിയും ഉയർന്നേക്കാമെന്നും കാനോ ഗവർണർ അബ്ബാ കബീർ യൂസഫിന്റെ വക്താവ് സുനുസി ബതുരെ ദവാകിൻ തോഫ പുറത്തിറക്കിയ പ്രസ്താവനയിലുണ്ട്.