മലയാളികള്‍ക്ക് ഏറെ പ്രിയപ്പെട്ട താരമാണ് മഞ്ജു വാര്യര്‍. പുത്തന്‍ ഫാഷന്‍ പരീക്ഷണങ്ങളും ലുക്കുകളും സോഷ്യല്‍ മീഡിയയില്‍ താരം പങ്കുവെയ്ക്കാറുമുണ്ട്. ഇപ്പോഴിതാ താരം സാമൂഹ്യമാധ്യമത്തില്‍ പങ്കുവെച്ച പുത്തന്‍ ചിത്രങ്ങളാണ് ശ്രദ്ധ നേടുന്നത്. കേരളസാരിയില്‍ അതീവസുന്ദരിയായ താരത്തെ ചിത്രങ്ങളില്‍ കാണാം.

ഗായിക സിത്താര കൃഷ്ണകുമാറിന്റെ നേതൃത്വത്തിലുള്ള പ്രോജക്ട് മലബാറിക്കസിന്റെ ഏലലംകിളി എന്ന പുതിയ ഗാനത്തില്‍ മഞ്ജു വാര്യരും ഭാഗമായിരുന്നു. പാട്ടിന്റെ വീഡിയോയുടെ അവസാന ഭാഗത്താണ് സര്‍പ്രൈസായി മഞ്ജു എത്തിയത്. നേരിയ ചുവപ്പ് കര കൂടിച്ചേര്‍ന്ന സാരിയില്‍ അതീവ സുന്ദരിയായാണ് മഞ്ജു വാര്യര്‍ പാട്ടിലെത്തിയിരുന്നത്.

ആ ലുക്കിലുള്ള ചിത്രങ്ങളാണ് നടി സോഷ്യല്‍ മീഡിയയില്‍ പങ്കുവെച്ചത്. കേരളീയതനിമയും അഭൗമമായ സൗന്ദര്യവും കലര്‍ന്ന് അതിമനോഹരയായിക്കുന്നു എന്നാണ് നിരവധി പേര്‍ കമന്റുകളില്‍ പറയുന്നത്. ഏറ്റവും ലളിതമായി എന്നാല്‍ അതീവ ഗാംഭീര്യം തോന്നുന്ന രീതിയിലാണ് നടിയുടെ പുതിയ ലുക്ക് എന്നും കമന്റുകളുണ്ട്.

അതേസമയം, ഏലലംകിളി എന്ന ഗാനം മികച്ച പ്രതികരണമാണ് നേടുന്നത്. തമിഴും മലയാളവും കലര്‍ന്നാണ് പാട്ടിലെ വരികള്‍ വന്നിരിക്കുന്നത്. സിത്താരയും പ്രോജക്ട് മലബാറിക്കസിലെ മറ്റ് അംഗങ്ങളും എത്തുന്നുണ്ട്.