സന്ദീപിന്റെ കയ്യിലുണ്ടായിരുന്ന ബാഗിൽ എന്താണ്? എന്ഐഎ ഇന്ന് തുറക്കുമ്പോൾ ഒളിഞ്ഞിരിക്കുന്നത് നിർണ്ണായക തെളിവുകളോ? പരിശോധന നടത്തുന്നത് എന്ഐഎ കോടതിയുടെ സാന്നിധ്യത്തില്...
യുഎഇ കോണ്സുലേറ്റ് ബാഗ് സ്വര്ണക്കടത്ത് കേസിലെ മുഖ്യ പ്രതിയായ സന്ദീപ് നായരുടെ ബാഗ് എന്ഐഎ സംഘം ഇന്ന് തുറന്ന് പരിശോധന നടത്തുമെന്ന് സൂചന.
സന്ദീപിന്റെ ബാഗില് കേസില് നിര്ണായകമായേക്കാവുന്ന തെളിവുകള് ഉണ്ടെന്നാണ് എന്ഐഎ കണക്കുകൂട്ടുന്നത്.
കൊച്ചിയിലെ എന്ഐഎ കോടതിയുടെ സാന്നധ്യത്തിലാകും കള്ളക്കടത്ത് പ്രതിയുടെ ബാഗ് പരിശോധിക്കുക.
സന്ദീപ് നായര് സ്വര്ണം അയച്ച വ്യക്തിയുടെ പേര് വിവരങ്ങള്, നയതന്ത്ര ചാനല് വഴി സ്വര്ണം കടത്തിയപ്പോള് ഇടപെട്ട ഉന്നതരുടെ വിവരങ്ങള് തുടങ്ങി വിലപ്പെട്ട വിവരങ്ങള് സീല് ചെയ്ത ബാഗ് തുറക്കുന്നതോടെ ലഭിക്കുമെന്നാണ് പ്രതീക്ഷിക്കുന്നത്.
അതിനിടയില് കസ്റ്റംസ് എടുത്ത കേസിലെ ഒന്നാം പ്രതി സരിക്കിന്റെ കസ്റ്റഡി കാലാവധി ഇന്ന് അവസാനിക്കും. ഉച്ചയോടെ കോടതിയില് ഹാജരാക്കുന്ന സരിത്തിന്റെ കസ്റ്റഡി കാലാവധി നീട്ടാന് കസ്റ്റംസ് അപേക്ഷിക്കില്ലെന്നാണ് വിവരം. സരിത്തിനെ കസ്റ്റംസ് വിടുന്നതോട എന്ഐഎ അറസ്റ്റ് ചെയ്യും.
https://www.facebook.com/Malayalivartha