സഖാവുമായി സര്ക്കാര് ഒത്തുതീര്പ്പിലെത്തി; ബിജുലാലിന്റെ പിരിച്ചുവിടല് കണ്ണില് പൊടിയിടാന്; ഹൈക്കോടതിയില് പോയാല് തിരിച്ച് സര്വീസിലെത്താം; സര്ക്കാരിന്റെ കരുതല് ബിജുലാലിനൊപ്പം
ഇന്നലെ നമ്മള് പറഞ്ഞതു പോലെ ആ മനിസന്റെ കരുതല് കൃത്യസമയത്ത് ആവര്ത്തിച്ചു. ട്രഷറിയില് നിന്ന് രണ്ടു കോടി വെട്ടിയ സഖാവുമായി സി പി എമ്മും സര്ക്കാരും ഒത്തു തീര്പ്പിലെത്തി.
അതായത് ഒരു നടപടിക്രമവുമില്ലാതെ ഇയാളെ സര്ക്കാര് പിരിച്ചുവിടും. എന്നിട്ട് നാട്ടുകാരെ കാണിക്കാന് ചില കണ്ണുരുട്ട് വിദ്യകള് കാണിക്കും. അതിനു ശേഷം അക്കൗണ്ടന്റ് സഖാവിന് ഹൈക്കോടതിയില് പോകാം. അങ്ങനെ തിരിച്ച് സര്വീസിലെത്താം.
അതായത് കുറ്റാരോപിതനായ ഒരാളെ നോട്ടീസ് പോലും കൊടുക്കാതെ പിരിച്ചുവിടാന് ഭരണഘടനയില് സ്കോപ്പ് ഇല്ല. അത് സി പി എമമിന് നന്നായി അറിയാം. അങ്ങനെയുണ്ടെന്നാണ് സര്ക്കാരിന്റെ വാദമെങ്കില് പൂര്ണമായി തെറ്റാണ്.
കെ. കരുണാകരന് മുഖ്യമന്ത്രിയായിരുന്ന 1985 ല് സി പി എം സി.ജെ. ജേക്കബ് എന്ന അഡീഷണല് സെക്രടറിയെ സര്ക്കാര് പിരിച്ചുവിട്ടു. എന്നാല് 1987 ല് സര്ക്കാര് ഉത്തരവ് ഹൈക്കോടതിയില് പോയി റദ്ദാക്കി ജോസഫ് തിരികെ സര്വീസിലെത്തി. ഇത് കേരളത്തിന്റെ ഭരണമേഖലയിലെ ചരിത്രമാണ്.
എന്നാല് ഒരാളെ ക്രിമിനല് കേസില് കോടതി ശിക്ഷിച്ചാല് അയാള്ക്ക് സര്വീസില് തിരിച്ചെത്താം. അത് സഖാവ് ബിജുലാലിന്റെ കാര്യത്തില് സംഭവിക്കാതിരിക്കാനുള്ള കരുതല് സര്ക്കാരിനുണ്ട്.
ഇതിനകം തന്നെ അതിനുള്ള നീക്കങ്ങള് ആരംഭിച്ചിട്ടുണ്ട്. അയാള് ഓണ്ലൈന് റമ്മി കളിച്ച് സര്ക്കാരിന്റെ പണം പോയെന്ന് പത്രങ്ങളില് വരുന്നുണ്ടെങ്കിലും അക്കാര്യം അന്വേഷണ സംഘം പറഞ്ഞിട്ടില്ല. അതായത് അത്തരമൊരു കുറ്റം തെളിയിക്കപ്പെട്ടിട്ടില്ലെന്ന് ചുരുക്കം. തെളിയുന്നതിന് മുമ്പ് തന്നെ തെളിവ് ഇല്ലാതാക്കാനുള്ള കഴിവ് സര്ക്കാര് സംവിധാനങ്ങള്ക്കുണ്ട്. അത് സാധിക്കാതിരുന്നാല് സഖാവ് ബിജുലാല് സ്വയം അനുഭവിക്കണം.
ബിജുലാല് ഒരു തെറ്റും ചെയ്തിട്ടില്ലെന്ന് ഇതിനകം തന്നെ യൂണിയന് നേതാക്കള് പറഞ്ഞു തുടങ്ങിയിട്ടുണ്ട്.ഒരു സോഫ്റ്റ് വെയറിലുണ്ടായ പിഴവ് മാത്രമാണ് അദ്ദേഹത്തെ ഊരാകുടുക്കിലാക്കിയതത്രേ. കമ്പ്യൂട്ടര് പാസ് വേഡ് സേവ് ആയി കിടന്നതുവഴിയാണ് ഇങ്ങനെ സംഭവിച്ചതെന്ന് പറയുന്നുണ്ടെങ്കിലും അത് അക്ഷരാഭ്യാസമില്ലാത്തവര് പോലും വിശ്വസിക്കില്ല. സര്ക്കാര് ട്രഷറിയിലെ പണം ഒരു ഊപ്പ ഒറ്റയ്ക്ക് വിചാരിച്ചാല് അടിച്ചുമാറ്റാനാവില്ല. ഒന്നുകില് ഇപ്പറയുന്നതു പോലെ അയാള് അടിച്ചുമാറ്റിയിട്ടില്ല. ഇല്ലെങ്കില് ഒരു സംഘം അദ്ദേഹത്തെ സഹായിക്കാന് ഉണ്ടായിരുന്നിരിക്കണം. അവര് ബിജുലാലിനെക്കാള് മുഴുത്ത സഖാക്കള് ആയിരിക്കണം.
നടപടി ക്രമം പാലിക്കാത്ത ഒന്നും നിയമപരമായി നിലനില്ക്കില്ല. മുഖ്യമന്ത്രിയുടെ ഓഫീസില് വരെ നിയമ പണ്ഡിതന്മാര് ധാരാളമുള്ളപ്പോള് അതൊന്നും സര്ക്കാര് അറിഞ്ഞില്ലെന്ന് പറയുന്നത് കണ്ണില് പൊടിയിടാന് മാത്രമാണ്.
ഇനി മാസങ്ങള്ക്ക് ശേഷം യു ഡി എഫ് സര്ക്കാര് മടങ്ങി വന്നാലോ? ബിജുലാലിന് ഒന്നും സംഭവിക്കില്ല. കാരണം അപ്പോള് ബിജുലാലിനെ സഹായിക്കാന് നൂറായിരം പേരുണ്ടാവും. യുഡിഎഫ് വരുമ്പോള് സി പി എം നേട്ടങ്ങള് കരസ്ഥമാക്കുന്ന കാലത്തിലൂടെയാണ് നാം കടന്നു പോകുന്നതെന്ന് കോണ്ഗ്രസുകാര്ക്കറിയാം.
https://www.facebook.com/Malayalivartha
