ഇന്ത്യ വിരുദ്ധ പ്രവര്‍ത്തനങ്ങളുടെ പേരില്‍ ഇന്ത്യന്‍ സ്വദേശിയായ പാക് ചാരനെ അറസ്റ്റ് ചെയ്തു ദേശീയ അന്വേഷണ ഏജന്‍സി. ഗുജറാത്ത് സ്വദേശിയായ റജാക് ഭായ് കുംഭാര്‍ ആണ് അറസ്റ്റിലായിരിക്കുന്നത് മാസങ്ങള്‍ക്കു മുന്‍പ് സമാനമായ കേസില്‍ ഉത്തര്‍ പ്രദേശില്‍ അറസ്റ്റിലായ വ്യക്തിയില്‍ നിന്നാണ് ഇയാളിലേക്കു ഏജന്‍സി എത്തി ചേര്‍ന്നിരിക്കുന്നത്. ഗുജറാത്തിലെ കപ്പല്‍ നിര്‍മ്മാണ ശാലയില്‍ ജോലി ചെയ്യുന്ന ഇയാളില്‍ നിന്നും വിലപ്പെട്ട രേഖകള്‍ പിടിച്ചെടുത്തിട്ടുണ്ടെന്നും മാധ്യമങ്ങള്‍ റിപ്പോര്‍ട്ട് ചെയ്തു.

നമ്മുടെ ചുറ്റിലുമായി പാകിസ്ഥാനും അവരുടെ ചെകുത്താന്‍ ഏജന്‍സിയായ ഐ.എസ്.ഐയും നിരന്തരമായി അദൃശ്യമായ ഒരു യുദ്ധത്തില്‍ ഏര്‍പെട്ടുകൊണ്ടിരിക്കുകയാണ്. ഈ ഒരു പശ്ചാത്തലത്തില്‍ ആണ് കേരളത്തില്‍ നടക്കുന്ന സ്വര്‍ണ കടത്തു കേസൊക്കെ ഇത്ര വലിയ വിഷയമാകുന്നത് നമ്മുടെ നാടിനെ അസ്ഥിരപ്പെടുത്തുവാന്‍ . അതിനു അവര്‍ക്കു വേണ്ട സഹായം നല്‍കുന്നത് ഈ നാടിന്റെ ഉള്ളില്‍ തന്നെ ഉള്ളവരാണ് എന്നതാണ് വിഷമകരമായ കാര്യം സ്വര്‍ണ കടത്തു കേസില്‍ ആയാല്‍ പോലും ചില സങ്കുചിത സ്വാര്‍ത്ഥ താല്പര്യത്താല്‍ പ്രചോദിതം ആയി ചിലര്‍ അന്യ രാജ്യത്തോടുള്ള വിധേയത്വം ഒളിഞ്ഞും തെളിഞ്ഞും പ്രകടിപ്പിക്കുന്നത് നാം കണ്ടു കൊണ്ടിരിക്കുന്നുണ്ടല്ലോ

ഗുജറാത്തിലെ മുന്ദ്ര കപ്പല്‍ നിര്‍മാണ ശാലയില്‍ സൂപ്പര്‍വൈസറായി ജോലി ചെയ്യുകയാണ് നിലവില്‍ റജാക് ഭായ് കുംഭാര്‍. ഉത്തര്‍ പ്രദേശില്‍ രജിസ്റ്റര്‍ ചെയ്ത കേസില്‍ പാകിസ്ഥാനിലെ രഹസ്യാന്വേഷണ ഏജന്‍സിയുമായി ബന്ധപെട്ടു ചാര പ്രവര്‍ത്തനം നടത്തി എന്ന കേസില്‍ മാസങ്ങള്‍ക്കു മുന്‍പ് മുഹമ്മദ് റഷീദ് എന്ന വ്യക്തി അറസ്‌റിലായിരിന്നു. അയാളില്‍ നിന്നും ലഭിച്ച തെളിവുകളുടെ അടിസ്ഥാനത്തിലാണ് ഇപ്പോള്‍ കുംഭറിലേക്കു അന്വേഷണം എത്തി ചേര്‍ന്നത്. മുഹമ്മദ് റഷീദിന് വേണ്ട സഹായങ്ങള്‍ ചെയ്തു കൊടുത്തത് കുംഭാര്‍ ആയിരിന്നു. 2019 ജനുവരിയില്‍ ലഖ്‌നൗവിലെ ഗോമതി നഗര്‍ പോലീസ് സ്‌റ്റേഷനില്‍ വച്ചാണ് മുഹമ്മദ് റഷീദ് അറസ്റ്റിലാകുന്നത്. ഉത്തര്‍ പ്രദേശിലെ ഛന്ദോളി ജില്ലയിലെ മുഗള്‍ സാരായി ഗ്രാമവാസിയാണ് മുഹമ്മദ് റഷീദ്. ഇയാളുടെ ബന്ധുക്കളില്‍ ചിലര്‍ പാകിസ്ഥാനിലെ കറാച്ചിയിലാണ് താമസം. അന്വേഷണത്തിനിടെ, ഐ.എസ്.ഐ പ്രതിരോധ ഉദ്യോഗസ്ഥരുമായി താന്‍ ബന്ധപ്പെട്ടിട്ടുണ്ട് എന്നും രണ്ടു തവണ പാകിസ്ഥാന്‍ സന്ദര്‍ശിച്ചിട്ടുണ്ടെന്നും റഷീദ് വെളിപ്പെടുത്തി.

ഇന്ത്യയിലെ തന്ത്ര പ്രധാനമായ ചില കേന്ദ്രങ്ങളുടെ ഫോട്ടോഗ്രാഫുകള്‍ ഐ.എസ്.ഐക്കു കൈമാറിയിട്ടുണ്ടെന്നു ഇയാള്‍ അന്വേഷണ ഏജന്‍സിയെ അറിയിച്ചു. അതോടൊപ്പം തന്നെ ഇന്ത്യന്‍ സൈന്യത്തിന്റെ വിന്യാസവും സഞ്ചാരവും അടക്കം സുപ്രധാന വിവരങ്ങള്‍ പാകിസ്ഥാനിലെ ഉദ്യോഗസ്ഥര്‍ക്ക് ഇയാള്‍ കൊടുത്തിട്ടുണ്ട്. മുഹമ്മദ് റഷീദ് ഒരു ചാരന്‍ ആയിരുന്നുവെങ്കില്‍ റജാക് ഭായ് കുംഭാര്‍ സ്വയം ഒരു പാകിസ്ഥാന്‍ ഏജന്റ് ആയിട്ടാണ് പ്രവര്‍ത്തിച്ചു കൊണ്ടിരുന്നത്. ഗുജറാത്തില്‍ താമസിക്കുന്ന ഇയാളാണ് ഉത്തര്‍പ്രദേശിലെ റാഷിദിന് വേണ്ടി , വേണ്ട സഹായങ്ങള്‍ ചെയ്തു കൊടുത്തിരുന്നത്. ഈയടുത്തു ആണ് മുഹമ്മദ് റഷീദിന് 5000 രൂപ വിവിധ ആവശ്യങ്ങള്‍ക്ക് വേണ്ടി റ ജാക് കൈമാറിയത് . ഇതിന്റെ തെളിവുകള്‍ അന്വേഷണ ഏജന്‍സിക്കു ലഭിച്ചിട്ടുണ്ട് . ഐ.എസ്.ഐ ഉദ്യോഗസ്ഥരുടെ നിര്‍ദ്ദേശങ്ങള്‍ക്ക് അനുസരിച്ചു അവശ്യ സമയത്തു റാഷിദിന്റെ അക്കൗണ്ടിലേക്കു കുംഭാര്‍ പണം നിക്ഷേപിച്ചു കൊണ്ടിരിന്നു. കുംഭാറിന്റെ വീട് പരിശോധിച്ച ദേശീയ അന്വേഷണ ഏജന്‍സി വളരെ പ്രധാനപ്പെട്ടതും അപകടകരവുമായ രേഖകള്‍ പിടിച്ചെടുത്തിട്ടുണ്ട് എന്നാണ് നിലവില്‍ പുറത്തു വരുന്ന വിവരം.

ജനുവരി 2019 ല്‍ ആണ് ഉത്തര്‍ പ്രദേശിലെ തീവ്രവാദ വിരുദ്ധ സേന, ഇന്ത്യന്‍ മിലിട്ടറി ഇന്റലിജന്‍സുമായി ചേര്‍ന്ന് ഒരു സംയുക്ത നീക്കത്തിലൂടെ മുഹമ്മദ് റാഷിദിനെ അറസ്റ്റ് ചെയ്യുന്നത്. ഇയാള്‍ കഴിഞ്ഞ മാര്‍ച്ച് മുതല്‍ വാട്‌സ് ആപ്പിലൂടെ തന്ത്ര പ്രധാനമായ വിവരങ്ങള്‍ പാകിസ്ഥാനി ആര്‍മിക്കു ചോര്‍ത്തി നല്‍കുക ആയിരിന്നു . അതിനു മാസങ്ങള്‍ക്കു മുന്‍പ് തന്നെ ഇയാള്‍ തന്ത്ര പ്രധാനമായ വിവരങ്ങള്‍ ചോര്‍ത്തി നല്‍കുന്നുണ്ട് എന്ന വിവരം മിലിട്ടറി ഇന്റലിജന്‍സിന് ലഭിച്ചിരുന്നു. മാസങ്ങളോളം ഉള്ള നിരീക്ഷണങ്ങള്‍ക്കും അന്വേഷണങ്ങള്‍ക്കും ശേഷമാണു റാഷിദ് ഒരു പാകിസ്ഥാന്‍ ചാരന്‍ ആണെന്ന് ദേശീയ അന്വേഷണ ഏജന്‍സി ഉറപ്പിച്ചത്.

കറാച്ചിയിലുള്ള തന്റെ ബന്ധുക്കളെ സന്ദര്‍ശിക്കുന്നതിന് ഇടയിലാണ് പാകിസ്ഥാന്റെ രഹസ്യാന്വേഷണ വിഭാഗം ആയ ഐ.എസ്.ഐ റാഷിദിനെ വലയിലാക്കുന്നതു . തന്റെ ബന്ധുവായ ഒരു യുവതിയുമായി പ്രണയത്തിലായ റാഷിദിനെ ആ യുവതിയെ വിവാഹം കഴിച്ചു തരാന്‍ സഹായിക്കാം എന്ന ധാരണയിന്മേല്‍ ആണ് ഐ .എസ് .ഐ കുടുക്കിയത് എന്നാണ് അറിയാന്‍ സാധിക്കുന്നത്. ഇവരുമായുണ്ടാക്കിയ ഈ ധാരണ പ്രകാരം റാഷിദ് സൈന്യത്തിന്റെ തന്ത്ര പ്രധാനമായ കേന്ദ്രങ്ങളുടെയും, സൈനിക നീക്കങ്ങളുടെയും, വിന്യാസത്തിന്റെയും ഫോട്ടോകളും വിഡിയോയും എടുത്തു അയച്ചു കൊണ്ടിരിന്നു . സൈനിക കേന്ദ്രങ്ങളുടെയും, തന്ത്ര പ്രധാന മേഖലകള്‍ക്കും പുറമെ, പ്രമുഖ പാര്‍ട്ടികളുടെ റാലികളുടെയും സൈനിക വിന്യാസങ്ങളെയും സംബന്ധിച്ച വിവരണങ്ങളും റാഷിദ് അയച്ചു കൊണ്ടിരിന്നു.

കൂടാതെ രണ്ടു ഐ.എസ്.ഐ ഉദ്യോഗസ്ഥര്‍ക്ക് തന്റെ ഇന്ത്യന്‍ സിം എടുത്തു കൊടുക്കാനും വേണ്ട ഒത്താശകള്‍ റാഷിദ് ചെയ്തു കൊടുത്തു. ങ്ങനെ കരസ്ഥമാക്കിയ നമ്പര്‍ ഉപയോഗിച്ച് അവര്‍ രണ്ടു വാട്‌സാപ്പ് അക്കൗണ്ടുകള്‍ തുടങ്ങുകയും തുടര്‍ന്ന് ഇന്ത്യന്‍ സേനയിലെ രണ്ടു പ്രതിരോധ ഉദ്യോഗസ്ഥരെ വലയിലാക്കുകയും ചെയ്തിരുന്നു. തന്ത്ര പ്രധാനമായ സൈനിക മേഖലകളില്‍ മുറി എടുത്തു താമസിക്കാന്‍ ഒരു ലക്ഷം രൂപയും മാസം 15000 രൂപ അലവന്‍സും റാഷിദിന് വാഗ്ദാനം ചെയ്യപ്പെട്ടിരുന്നു. അപ്പോഴാണ് ഇയാള്‍ പിടിയിലാകുന്നത് . ഇയാളിലൂടെയാണ് റജാക് കുംഭാര്‍ എന്ന ഇന്ത്യന്‍ സ്വദേശിയായ ഐ.എസ്.ഐ ഏജന്റിലേക്കു ദേശീയ അന്വേഷണ ഏജന്‍സി എത്തിയതും. ഇന്ത്യയെ നേരിട്ട് ആക്രമിക്കാന്‍ കഴിയാത്ത പാകിസ്ഥാന്‍ ഇത്തരം കുടില തന്ത്രങ്ങളിലൂടെയാണ് ഇന്ത്യയെ തകര്‍ക്കാന്‍ ശ്രമിക്കുന്നത്. അതിനിടയില്‍ തുച്ഛമായ സ്വാര്‍ത്ഥ താല്‍പര്യത്തിനു വേണ്ടി നമ്മുടെ കൂട്ടത്തില്‍ തന്നെ പലരും അറിഞ്ഞോ അറിയാതെയോ ഈ ഗൂഢാലോചനയില്‍ പങ്കാളികള്‍ ആകുന്നുമുണ്ട്.